ԵՐԵՎԱՆ, 20 դեկտեմբերի - Sputnik. Արցախում շարունակվող որոնողական աշխատանքների արդյունքում ևս 22 զինծառայողի մարմին է հայտնաբերվել։ Տեղեկությունը հայտնում է Արցախի տեղեկատվական շտաբը՝ վկայակոչելով ԱՀ ԱԻՊԾ տեղեկատվության և հասարակայնության հետ կապերի բաժնի պետ Հունան Թադևոսյանին։
«Երեկ որոնողական աշխատանքներ կատարող փրկարարական խմբերը Հորադիզից, Ջաբրայիլից և Իշխանաձորից դուրս են բերել 22 զինծառայողի մարմին»,- նշված է հաղորդագրության մեջ։
Ֆիզուլու, Հադրութի և Ջաբրայիլի մոտակայքում գտել են ևս 27 զինծառայողի ու 2 քաղաքացու աճյուն
Նշենք, որ նոյեմբերի 13-ից դեկտեմբերի 16-ը ընկած ժամանակահատվածում Արցախում որոնողական աշխատանքների ընթացքում 892 զոհված զինծառայողի մարմին է հատնաբերվել։