04:53 20 հունվարի 2021
Ուղիղ եթեր
  • USD519.31
  • GBP706.73
  • EUR629.40
  • RUB7.04
Արցախ
Ստանալ կարճ հղումը
52 0 0

Ռուսական խաղաղապահ զորախմբի հատուկ նշանակության բժշկական ջոկատի ստորաբաժանումների կազմում աշխատում են 60-ից ավելի մասնագետներ։

ԵՐԵՎԱՆ, 28 դեկտեմբերի – Sputnik. Ռուսական խաղաղապահ զորախմբի կազմում ընդգրկված հատուկ նշանակության բժշկական ջոկատը (ՀՆԲՋ) շարունակում է օգնություն ցուցաբերել տեղի բնակչությանը ինչպես Ստեփանակերտում, այնպես էլ Լեռնային Ղարաբաղի այլ բնակավայրերում: Տեղեկությունը հայտնում է ՌԴ պաշտպանության նախարարությունը։

Ստեղծվել են բազմաֆունկցիոնալ բժշկական բրիգադներ՝ Լեռնային Ղարաբաղի հեռավոր բնակավայրերում բժշկական օգնություն ցուցաբերելու համար․ անցած օրվա ընթացքում ռուս զինվորական բժիշկները բուժօգնություն են ցուցաբերել Կաղարծի բնակավայրի 21 բնակչի։

Լեռնային Ղարաբաղի բնակիչներից ավելի քան 900–ը, այդ թվում՝ ավելի քան 120 երեխա, բժշկական օգնություն են ստացել ՌԴ պաշտպանության նախարարության դաշտային հոսպիտալում:

Դիմած քաղաքացիներին զննել են թերապևտները, վիրաբույժներն ու մյուս մասնագետները և անհրաժեշտ նշանակումներ արել։

Տեղի բնակիչները, որպես կանոն, դիմում են խրոնիկ հիվանդությունների, սիրտ-անոթային և էնդոկրին համակարգի հիվանդությունների սրման պատճառով, ինչպես նաև ատամնաբուժական օգնություն ստանալու համար։

Ռուսական խաղաղապահ զորախմբի հատուկ նշանակության բժշկական ջոկատի ստորաբաժանումների կազմում աշխատում են 60-ից ավելի մասնագետներ, որոնց թվում կան ռազմական վիրաբույժներ, անեսթեզիոլոգ-ռեանիմատոլոգներ, թերապևտներ և համաճարակաբաններ:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Ըստ թեմայի

Արցախում խաղաղապահների համար բլոկային-մոդուլային քաղաք է կառուցվել
Թույլ չեն տվել, որ որևէ լուրջ միջադեպ լինի․ Շոյգուն` Ղարաբաղի ու խաղաղապահների մասին
Ամուսնացած էր, ուներ որդի. ի՞նչ փոխհատուցում կստանա մահացած ռուս խաղաղապահի ընտանիքը
թեգերը:
բժիշկ, Լեռնային Ղարաբաղ, Արցախ

Գլխավոր թեմաներ