17:25 17 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Արցախ
Ստանալ կարճ հղումը
Խաղաղապահներն Արցախում (103)
34 0 0

Խաղաղապահ ուժերի ինժեներական ստորաբաժանումները շարունակում են ականազերծել մայրաքաղաք Ստեփանակերտն ու այլ բնակավայրեր։

ԵՐԵՎԱՆ, 7 հունվարի - Sputnik. Ռուս խաղաղապահները Լեռնային Ղարաբաղում առաքելությունը սկսելուց ի վեր վնասազերծել են ավելի քան 20 հազար պայթուցիկ նյութեր: Տեղեկությունը հայտնում է ՌԴ ՊՆ մամուլի ծառայությունը։

Տեղեկացվում է, որ Ռուսաստանի պաշտպանության նախարարության Միջազգային հակաականային կենտրոնի մասնագետները շարունակում են Արցախի տարածքի ականազերծման աշխատանքները։

«2020 թվականի նոյեմբերի 23-ից ռուսական խաղաղապահ ուժերի ինժեներական ստորաբաժանումների կողմից չպայթած զինամթերքից մաքրվել է գրեթե 435 հա տարածք, շուրջ 165 կմ ճանապարհ, 618 բնակելի շինություն, այդ թվում ՝ 22 հանրային կարևորության օբյեկտ, վնասազերծվել է 20650 պայթյունավտանգ առարկա»,- նշված է հաղորդագրության մեջ:

Նշվում է, որ Լեռնային Ղարաբաղում պայթունավտանգ առարկաներից տարածքի ականազերծման եւ մաքրման ընթացքում ռուս խաղաղապահները կիրառում են ժամանակակից ռոբոտատեխնիկական համալիրներ։ Դրանք թույլ են տալիս ականազերծման բարձր տեմպեր լեռնային տեղանքի և եղանակի վատթարացման պայմաններում։

«Հայտնաբերված պայթյունավտանգ առարկաները և չպայթած զինամթերքը դուրս են բերվում ու ոչնչացվում հատուկ կահավորված զինափորձարանում։ Այն զինամթերքը, որը հնարավոր չէ տարհանել, ոչնչացվում է տեղում՝ ապահովելով անվտանգության բոլոր անհրաժեշտ միջոցներն աշխատանքների իրականացման ընթացքում»,- հայտնում է ՌԴ պաշտպանական գերատեսչությունը։

Արցախում ռուսական խաղաղապահ ուժերի ինժեներական ստորաբաժանումները շարունակում են ականազերծել մայրաքաղաք Ստեփանակերտը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

 

թեմա:
Խաղաղապահներն Արցախում (103)

Ըստ թեմայի

Ռուսաստանի ԱԻՆ–ի աջակցությամբ Արցախում մոտ 260 շինություն է վերականգնվել
Հրադադարի ռեժիմը պահպանվում է շփման գծի ողջ երկայնքով. Արցախ է վերադարձել 47653 մարդ
Նիկոլ Փաշինյանը հեռախոսազրույց է ունեցել Էմանուել Մակրոնի հետ. խոսել են նաև Արցախի մասին
թեգերը:
ականազերծում, խաղաղապահ, Լեռնային Ղարաբաղ, Ստեփանակերտ, Արցախ

Գլխավոր թեմաներ