11:57 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Արցախ
Ստանալ կարճ հղումը
11410

Արցախի ԱԳՆ-ն կոչ է անում Ադրբեջանին խստորեն պահպանել եռակողմ հայտարարության շրջանակներում ստանձնած պարտավորությունները։

ԵՐԵՎԱՆ, 13 հունվարի – Sputnik. Արցախի Հանրապետության արտաքին գործերի նախարարությունը խստորեն դատապարտում է ադրբեջանական կողմի սադրիչ քայլերը և դրանք որակում որպես գործողություն՝ ուղղված ադրբեջանա-ղարաբաղյան հակամարտության գոտում իրավիճակի ապակայունացմանը և խաղաղապահ ջանքերի խաթարմանը: Նման հայտարարությամբ է հանդես եկել Արցախի ԱԳՆ–ն` անդրադառնալով այսօր Ադրբեջանի ԶՈւ–ի կրակոցների հետևանքով հայ զինվորի վիրավորվելու դեպքին։

«Նմանատիպ վտանգավոր վարքն անընդունելի է և հանդիսանում է Հայաստանի, Ռուսաստանի և Ադրբեջանի ղեկավարների՝ ադրբեջանա-ղարաբաղյան հակամարտության գոտում կրակի և բոլոր ռազմական գործողությունների լիակատար դադարեցման եռակողմ հայտարարության կոպիտ խախտում»,–նշված է ԱԳՆ–ի հայտարարության մեջ։

Արցախի ԱԳՆ-ն կոչ է անում Ադրբեջանին խստորեն պահպանել եռակողմ հայտարարության շրջանակներում ստանձնած պարտավորությունները և զերծ մնալ սադրիչ գործողություններից, որոնք կարող են խափանել կրակի դադարեցման հաստատված ռեժիմը։

Զինվորը վնասվածք է ստացել որովայնի շրջանում. քրգործ է հարուցվել

Հիշեցնենք, որ Արցախի ՊԲ–ն հայտնել էր` այսօր` ժամը 12:00-ի սահմաններում, հակառակորդի մարտական դիրքից արձակված կրակոցի հետևանքով N զորամասի մարտական դիրքում որովայնի շրջանում հրազենային վնասվածք է ստացել պարտադիր ժամկետային զինծառայող, շարքային Վարդան Կիրակոսյանը: Նրան վիրահատել են, կյանքին վտանգ չի սպառնում։

Ըստ թեմայի

Պատերազմի հետևանքով Արցախը 112,5 մեգավատ տրվածքային հզորությամբ ՀԷԿ-եր է կորցրել
Տարածաշրջանում եռակողմ համագործակցության դաշտ է բացվում` Հայաստան–Ռուսաստան–Արցախ
Արցախը ծանր վիրավոր է, բայց ողջ է. Բաբայանն ասել է` որն է իշխանության գերակա ուղղությունը
թեգերը:
Եռակողմ հայտարարություն, Զինվոր, Վիրավոր, կրակոց, Արցախի պաշտպանության բանակ (ՊԲ), Արցախ, Սահման, հայ-ադրբեջանական, Ադրբեջան

Գլխավոր թեմաներ