01:44 25 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Արցախ
Ստանալ կարճ հղումը
11701

Նշվում է, որ տղամարդը գտնվել է ճանապարհաշինության աշխատանք կատարող մեքենայի մեջ։

ԵՐԵՎԱՆ, 14 հունվարի - Sputnik. Ադրբեջանի 41-ամյա քաղաքացի Ալիյար Օջագվերդիևը Արցախի` Ադրբեջանի տիրապետության տակ անցած տարածքում ճանապարհաշինության աշխատանքների ժամանակ ականի վրա պայթել է։ Այս մասին հաղորդում Է Ադրբեջանի գլխավոր դատախազությունը։

Նշվում է, որ տղամարդը գտնվել է ճանապարհաշինության աշխատանքը կատարող բուլդոզերի մեջ։

Ադրբեջանցին մահացել է ստացած ծանր վնասվածքներից։

Հարուցվել է քրեական գործ, կատարվում է քննություն:

Ավելի վաղ տեղեկացրել էինք, որ Կուբաթլուում ականի պայթյունի արդյունքում մահացել է Ադրբեջանի զինված ուժերի սպա, գումարտակի հրամանատար, մայոր Մուխթարով Սարխան Իլգար օղլուն։

Հիշեցնենք, հունվարի 1-ին էլ Ֆիզուլու շրջանում մի ադրբեջանցի է պայթել ականի վրա, նրա 2 ոտքերն անդամահատել են։ Իսկ ավելի վաղ` 2020թ.–ի դեկտեմբերի 14-ին հայտնի դարձավ, որ Ադրբեջանին անցած Աղդամի շրջանում ականի պայթյունից մեկ մարդ է մահացել, ևս երկուսը վիրավորվել են։

Իսկ նոյեմբերի 23-ին Լեռնային Ղարաբաղում ականի պայթյունի հետևանքով վիրավորվել են Ղարաբաղի ԱԻՆ–ի 4 աշխատակիցները, խաղաղապահ ուժերի ռուսական զորակազմի սպան, մահացել է ադրբեջանցի զինծառայողներից մեկը։

Որքա՞ն տարածք է ականազերծվել Արցախում․ տեսանյութ

Ըստ թեմայի

Կուբաթլուում ականի պայթյունից ադրբեջանցի հրամանատար է մահացել
Արցախը չպայթած զինամթերքից մաքրելու համար մոտ 20 տարի կպահանջվի. ականազերծման կենտրոն
Մարտակերտում ականի պայթյունից էքսկավատորավար է մահացել
թեգերը:
Մահ, Հայաստան, Արցախ, ադրբեջանցի, ական

Գլխավոր թեմաներ