22:25 28 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Արցախ
Ստանալ կարճ հղումը
190 0 0

Արա Այվազյանն Ազգային ժողովի պատգամավորներին ներկայացրեց, թե որոնք են հայկական կողմի առաջնահերթություններն այս պահին։

ԵՐԵՎԱՆ, 20 հունվարի - Sputnik. Ադրբեջանի նախագահ Իլհամ Ալիևի հայտարարություններն իրարամերժ են։ Մի կողմից նա նշում է, որ ԼՂ հակամարտությունը լուծված է, մյուս կողմից նախաձեռնում է հակամարտությունը բորբոքող սադրիչ հայտարարություններ։ ՀՀ ԱԺ–ում կառավարության հետ հարցուպատասխանի ժամանակ նման կարծիք հայտնեց ՀՀ արտգործնախարար Արա Այվազյանը։

«Հավանաբար համակարտությունը մտել է մի նոր փուլ, որտեղ անհրաժեշտ է հայկական կողմերի միասնական օրակարգ ձևավորել։ Այդ կապակցությամբ շատ կարևոր էր իմ` վերջերս կատարած այցն Արցախ, որտեղ քննարկել ենք ընդհանուր օրակարգ ձևավորելու և մեր աշխատանքները համադրելու հարցը»,–ասաց նախարարը։

Խոսելով առաջնահերթությունների մասին` Այվազյանը նշեց, որ առաջին հերթին հայկական կողմը պատրաստ է սկսել բանակցությունները Մինսկի խմբի համանախագահների ֆորմատով և վարել դրանք այն հիմնարար սկզբունքների շուրջ, որոնց վերաբերյալ դեռ նախկինում պայմանավորվածություններ են ձեռք բերվել։

Բացի այդ, ըստ նախարարի, առաջնային հարց է նաև դեօկուպացիան և հայերի` իրենց բնակավայրեր անվտանգ տեղափոխումը։ Նա կարևորեց նաև միջազգային հանրության և կառույցների կողմից հումանիտար աջակցության անխափան ապահովումն Արցախին։

Այվազյանի խոսքով` մեր մշակութային և հոգևոր ժառանգության պահպանումը նույնպես առաջնահերթությունների ցանկումէ գտնվում։
Նա անդրադարձավ Շուշիի մասին վերջերս Ալիևի հնչեցրած հայտարարություններին` ասելով, որ Շուշին հայկական մշակութային կենտրոն է։

«Անկախ այն բանից, թե ով ինչ է հայտարարում, մենք չենք համաձայնվելու այն պնդումների հետ, ըստ որի` Շուշին դառնալու է թուրքական մշակութային կենտրոն։ Հույս ունեմ, որ կստանանք նաև միջազգային հանրության համապատասխան արձագանքը»,–ասաց նախարարը։

Իրենց ունեցվածքը կորցրած արցախցիները կարող են դիմել ՄԻԵԴ. Բեգլարյան

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ըստ թեմայի

ԼՂ-ում տիրող իրավիճակի մասին Այվազյանը խոսել է Մինսկի խմբի երկրների ներկայացուցիչների հետ
Ադրբեջանը հայ ռազմագերուն զրկել է կյանքի իրավունքից. պատգամավորը` Արա Այվազյանին
Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել
թեգերը:
Արցախ, Իլհամ Ալիև, Շուշի, Արա Այվազյան

Գլխավոր թեմաներ