06:38 07 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Արցախ
Ստանալ կարճ հղումը
97 0 0

Ռուսաստանի խաղաղապահ զորախումբը շարունակում է իր առաջադրանքները կատարել Լեռնային Ղարաբաղի տարածքում։

ԵՐԵՎԱՆ, 10 փետրվարի – Sputnik. Լեռնային Ղարաբաղի քսանյոթ դիտակետում ռուս խաղաղապահները հրադադարի ռեժիմի պահպանման շուրջօրյա դիտարկում են իրականացնում, հրադադարի ռեժիմը պահպանվում է շփման գծի ողջ երկայնքով: Տեղեկությունը հայտնում է ՌԴ պաշտպանության նախարարությունը։

Նշվում է, որ մեկ օրում Հայաստանի տարածքից Լեռնային Ղարաբաղ է վերադարձել 27 փախստական: 2020թ. նոյեմբերի 14-ից ի վեր հայրենիք է վերադարձել 52415 մարդ։

Հումանիտար ականազերծման կենտրոնի ինժեներասակրավորական խմբերը շարունակում են Լեռնային Ղարաբաղի տարածքի ականազերծման աշխատանքները: Մեկ օրում մաքրվել է 54 հա տարածք, 15 կմ ճանապարհ, 40 շինություն, հայտնաբերվել և դուրս է բերվել 22 պայթյունավտանգ առարկա: 2020 թ. նոյեմբերի 23-ից ի վեր ընդհանուր առմամբ մաքրվել է 1296,3 հա տարածք, 413,8 կմ ճանապարհ, 1242 շինություն, այդ թվում` սոցիալական կարևորություն ունեցող 29 օբյեկտ, հայտնաբերվել և վնասազերծվել է 24249 պայթուցիկ առարկա։

ՌԴ ՊՆ-ն հիշեցնում է, որ փետրվարի 9-ին ռուսական խաղաղապահ զորախմբի հրամանատար գեներալ-լեյտենանտ Ռուստամ Մուրադովի անձնական հսկողությամբ իրականացվել է գերիների հերթական փոխանակումը: Ռուս խաղաղապահները Բաքու են տեղափոխել գերության մեջ գտնվող մեկ մարդու, Երևան են վերադարձել հինգ գերիներ:

Ռուս խաղաղապահներն ապահովել են նաև Ադրբեջանի զինված ուժերի 6 ավտոշարասյունների մուտքը հայկական վերահսկողության տակ գտնվող տարածք:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

 Ռուսաստանի Դաշնության խաղաղապահ զորակազմը տեղակայվել է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Ըստ թեմայի

Ի՞նչ է պահանջում Ադրբեջանը Արցախում խաղաղապահների ներկայության փոխարեն. Մինասյան
Ռուս խաղաղապահներն Արցախում հակաահաբեկչական վարժանքներ են անցկացնում. տեսանյութ
Ռուս խաղաղապահները մարտական փորձառություն են մշակում «Ստեփանակերտ» զորավարժարանում
թեգերը:
խաղաղապահ, Լեռնային Ղարաբաղ, Արցախ

Գլխավոր թեմաներ