ԵՐԵՎԱՆ, 12 փետրվարի – Sputnik. Այսօր զենք-զինամթերքի վնասազերծման աշխատանքներ են նախատեսվում Արցախի որոշ հատվածներում։ Տեղեկությունը հայտնում է Արցախի արտակարգ իրավիճակների պետական ծառայությունը։
«Վնասազերծման աշխատանքներ կկատարվեն Ասկերանի շրջանի Բերքաձոր գյուղում, Մարտունի քաղաքի մոտակայքում, ինչպես նաև Խնածախ և Այգեստան համայնքների տարածքներում»,– նշված է հաղորդագրության մեջ:
Արտակարգ իրավիճակների պետական ծառայությունը հորդորում է խուճապի չմատնվել պայթյունի ձայներ լսելու դեպքում։
