18:34 06 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Արցախ
Ստանալ կարճ հղումը
108 0 0

Կառավարությունը որոշեց ևս 30 մլրդ դրամ հատկացնել արցախցիներին` նրանց սոցիալական աջակցություն տրամադրելու համար։

ԵՐԵՎԱՆ, 18 փետրվարի - Sputnik. Կառավարության այսօրվա նիստի ժամանակ որոշում կայացվեց արցախցիներին 4 ամիս 68 000 դրամ աջակցություն տրամադրել։

Աշխատանքի և սոցիալական հարցերի նախարար Մեսրոպ Առաքելյանը հայտնեց` աջակցությունը կստանան բոլոր արցախցիները, բացառությամբ 18-63 տարեկան այն տղամարդիկ, որոնք հաշմանդամության խումբ չունեն։

«Ծրագրի բյուջեն կկազմի 30 մլրդ դրամ, ընդհանուր առմամբ` 55 մլրդ դրամի է հասնում ՀՀ կառավարությունից արցախցիներին տրամադրված գումարները։ Գրեթե այդքան գումար էլ Արցախի կառավարության կողմից աջակցության ծրագրերին կտրամադրվի»,–ասաց Առաքելյանը։

Նրա խոսքով` 4 ամիս 68 000 դրամ աջակցություն ստանալու համար հաշմանդամություն ունեցող անձինք և կենսաթոշակառուները դիմում գրելու անհրաժեշտություն չեն ունենա. նրանք իրենց կենսաթոշակների հետ համատեղ կստանան այդ գումարները։ Իսկ մյուսները փետրվարի 25-ից էլեկտրոնային կարգով կարող են դիմում ներկայացնել և մարտի 15-ից ստանալ իրենց աջակցությունը։

Վարչապետ Նիկոլ Փաշինյանն ի պատասխան նշեց, որ վիրավորում ստացած զինվորներին աջակցություն տրամադրելու ծրագիրն անհրաժեշտ տեմպով առաջ չի գնում, բացի այդ, անհետ կորած և գերեվարվածների ընտանիքներին աջակցությունը նույնպես չի ամբողջացել, այսինքն` կան շահառուներ, որոնց գումար դեռ չի տրամադրվել։

Շուռնուխի ու Որոտանի տուն կորցրած բնակիչները վեց ամիս կստանան 68 հազարական դրամ

Հիշեցնենք, որ կառավարության որոշումների արդյունքում 15 սոցիալական միջոցառում է մշակվել, որոնք ուղղված են պատերազմի հետևանքով տուժած քաղաքացիների սոցիալական խնդիրների ժամանակավոր կարգավորմանը։

ԱՆհետ կորածների ընտանիքներին որոշվել է յուրաքանչյուր անձի համար առնվազն 6 ամիս վճարել 300 000 դրամ։

Ըստ թեմայի

Խնդիրներն Արցախում շատ են. Ասկերանի վարչակազմի ղեկավարի տեղակալը հակադարձում է նախարարին
ՀՀ կառավարությունը 36 մլն դրամ կտրամադրի անտուն մնացած սյունեցիներին
Կառավարությունը 470 մլն դրամ հատկացրեց Շուռնուխում տների կառուցման համար
թեգերը:
ՀՀ կառավարություն, օգնություն, Արցախ

Գլխավոր թեմաներ