10:30 09 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Արցախ
Ստանալ կարճ հղումը
73 0 0

Արայիկ Հարությունյանը Արցախյան շարժման 33-րդ տարեդարձին ընդառաջ կոչումներ տալու հրամանագրեր է ստորագրել։

ԵՐԵՎԱՆ, 19 փետրվարի – Sputnik. Արցախի նախագահ Արայիկ Հարությունյանը հրամանագրեր է ստորագրել՝ Արցախյան շարժման 33-րդ տարեդարձին ընդառաջ Իգոր Մուրադյանին և Վիգեն Շիրինյանին հետմահու «Արցախի հերոս» բարձրագույն կոչում շնորհելու մասին: Հարությունյանն իր որոշման մասին հայտնել է Facebook–ում։

«Արցախյան շարժումն իր բնույթով ու բովանդակությամբ կարելի է բաժանել մի քանի փուլի՝ սկսած քսաներորդ դարի առաջին տասնամյակներից: Այդ մեծ պայքարի թոհուբոհում մենք միշտ ունեցել ենք նվիրյալներ, որոնք իրենց օրինակով ու վարքով մեր ժողովրդին առաջնորդել են այն ճանապարհով, որը տանում է դեպի ազգային նպատակների իրականացում: Այդ երախտավորների թվում են Արցախյան ազգային-ազատագրական շարժման առաջամարտիկներ Իգոր Մուրադյանը և Վիգեն Շիրինյանը»,–գրել է նա։

Հարությունյանը շնորհակալություն է հայտնել Արցախյան շարժման բոլոր նվիրյալներին` շեշտելով, որ պարտավոր ենք շարունակել նրանց գործն այս դժվարին պայմաններում:

Նշենք, որ Իգոր Մուրադյանը քաղաքագետ է, տնտեսական գիտությունների թեկնածու։ Մուրադյանը նախաձեռնել է «Ղարաբաղ» կոմիտեի ստեղծումը։ Մահացել է 2018 թվականի հունիսի 17-ին Երևանում երկարատև հիվանդությունից։

Վիգեն Շիրինյանն ազատամարտիկ է, Արցախյան շարժման մասնակից։ 1991 թվականին Շիրինյանի առաջարկությամբ միավորված մի շարք ջոկատներ մասնակցել են Շահումյանի շրջանի գյուղերի ինքնապաշտպանությանը։ Մարտակերտի քաղաքային մարզադաշտը վերանվանվել էր ի պատիվ Վիգեն Շիրինյանի։

Ըստ թեմայի

Ստացել են «Արցախի հերոս» բարձրագույն կոչում
Ճանաչենք մեր հերոսներին. Արցախի ՊԲ–ն հրապարակել է նոր անուններ
Զոհվել է «Արցախի հերոսի» կոչմանն արժանացած Դավիթ Գրիգորյանը
թեգերը:
«Արցախի հերոս» բարձրագույն կոչում, Արցախի նախագահ Արայիկ Հարությունյան, Արցախ

Գլխավոր թեմաներ