05:00 21 ապրիլի 2021
Ուղիղ եթեր
  • USD521.89
  • GBP729.86
  • EUR629.29
  • RUB6.85
Արցախ
Ստանալ կարճ հղումը
67 0 0

Կառավարության ընդունած նոր որոշումը կվերաբերի միայն այն արցախցիներին, որոնք մինչև Արցախում բնակարան ստանալը կշարունակեն բնակվել ՀՀ-ում:

ԵՐԵՎԱՆ, 25 մարտի - Sputnik. ՀՀ կառավարությունը կշարունակի փոխհատուցել Արցախից արտագաղթած արցախցիներին հյուրընկալած հայաստանցիների ծախսերը: Այս մասին որոշումն ընդունվեց այսօր ՀՀ կառավարության հերթական նիստում՝ ՀՀ Աշխատանքի և սոցիալական հարցերի նախարարության առաջարկով:

«3000 հյուրընկալող ընտանիքներ կան: Իսկ հյուրընկալված չափահաս արցախցիների թիվը մոտավոր 7000 է: Ընդհանուր հաշվարկով` խոսքը շուրջ 15 000 արցախցիների մասին է»,- ասաց նախարար Մեսրոպ Առաքելյանը՝ հավելելով, որ այս թիվը վերաբերում է բացառապես ՀՀ քաղաքացիների բնակարաններում բնակվող արցախցիներին:

Մինչդեռ կան նաև հյուրանոցներում, հանգստյան տներում բնակվող արցախցիներ, որոնց հաշվառման արդյունքում Հայաստանում ներկա պահին բնակվող արցախցիների ընդհանուր թիվը կազմում է շուրջ 25 000 անձ:

Մեսրոպյանը շեշտեց` քանի որ Արցախում ակտիվորեն իրականացվում են ավերված բնակավայրերի վերակառուցման, կիսավեր տների վերանորոգման աշխատանքներ, Հայաստանում ժամանակավոր բնակվող արցախցիներն աստիճանաբար վերադառնում են Արցախ:

«Եվ այս ծրագիրն ի վերջո կվերաբերի միայն այն արցախցիներին, որոնք մինչև Արցախում բնակարան ստանալը կշարունակեն բնակվել ՀՀ-ում»,- ասաց Առաքելյանը:

Արցախում բնակարանները կորցրած արցախցիներին հյուրընկալող ՀՀ քաղաքացիների աջակցության ծրագիրը մեկնարկել է 2020 թվականի դեկտեմբերի 17-ին կառավարության ընդունած որոշմամբ, որը նախատեսված էր առաջիկա 3 ամիսների համար:

Դրանով հյուրընկալող քաղաքացիներին հյուրընկալված յուրաքանչյուր չափահաս անձի համար տրամադրվում էր ամսական 68 000 դրամ:

Այժմ անհրաժեշտություն է առաջացել երկարացնել միջոցառման ժամկետը ևս 3 ամսով:

Արցախյան պատերազմում տուժածներն ու նրանց հարազատները հոգեբանական աջակցություն կստանան

Ըստ թեմայի

Նռնաձորում 30 տուն է կառուցվում արցախցիների համար, իսկ 148 հա այգին չորանում է. Գրիգորյան
«Ասա, որ սգում եմ նրանց հետ միասին». «Դոկտոր Լիզան» և ուրիշները կօգնեն արցախցիներին
Ֆրանսիացի կամավորները ՀՀ-ում օգնում են տուժած արցախցի ընտանիքներին. ինչպե՞ս է դա արվում
թեգերը:
Սոցիալական օգնություն, կառավարություն, բնակիչ, Արցախ

Գլխավոր թեմաներ