08:06 12 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Արցախ
Ստանալ կարճ հղումը
178 0 0

Արցախի քննչական կոմիտեն դեպքի բոլոր հանգամանքները պարզելու ուղղությամբ իրականացնում է անհրաժեշտ քննչական գործողություններ:

ԵՐԵՎԱՆ, 30 մարտի - Sputnik. Արցախի քննչական կոմիտեն տեղեկացնում է, որ հատուկ կարևոր գործերի վարչությունում վարույթ է ընդունվել «ՀԱԼՈ թրաստ»-ի կողմից թուրքական հատուկ ծառայություններին Արցախի ականապատված տարածքների քարտեզը փոխանցելու առթիվ հարուցված քրգործը։

Նշենք, որ քրգործ է հարուցվել ԱՀ քրեական օրենսգրքի 310-րդ հոդվածի 1-ին մասով (պետական դավաճանությունը) և 316-րդ հոդվածով (լրտեսությունը)։

Դեպքի բոլոր հանգամանքները պարզելու ուղղությամբ իրականացվում են անհրաժեշտ քննչական և դատավարական գործողություններ:
Նախաքննությունը շարունակվում է:

Հիշեցնենք` մարտի 11-ին Հայաստանում մեծ իրարանցում էր առաջացրել Արցախի տարածքի ականազերծմամբ զբաղվող բրիտանական «ՀԱԼՈ թրաստ» կազմակերպության գործունեության վերաբերյալ տեղեկությունը։

«ՀԱԼՈ թրաստը» հերքում է, որ Թուրքիային է փոխանցել Արցախի ականադաշտերի քարտեզները

24News կայքը, վկայակոչելով ԱՀ նախագահի հատուկ հանձնարարություններով ներկայացուցիչ Բորիս Ավագյանին, հայտնել էր, որ պատերազմի ընթացքում բրիտանական այս կազմակերպությունը թուրքական հետախուզությանն է փոխանցել Արցախի ականադաշտերի քարտեզները, որոնք հեշտացրել են ադրբեջանական զորքերի առաջխաղացումը Արցախի տարածքում։

ԱՀ նախագահի մամուլի քարտուղար Լուսինե Ավանեսյանը Sputnik Արմենիային ասել էր, որ Ավագյանի դիրքորոշումը չի արտացոլում նախագահի տեսակետը: Այդուհանդերձ, ո՛չ Ավանեսյանը, ո՛չ որևէ այլ պաշտոնական աղբյուր առ այս պահը չեն հերքել այս սկանդալային տեղեկությունը։

Կազմակերպությունը հերքել էր այդ լուրերը` դրանք բացարձակ սուտ համարելով։

«Չեմ հավատում, որ իշխանությունը չի իմացել». Զոհրաբյանը` «ՀԱԼՈ թրաստի» շուրջ աղմուկի մասին

Ըստ թեմայի

ՀՀ–ում պետական դավաճանության և լրտեսության համար ամենախիստ պատիժը կկիրառվի. Էնֆիաջյան
Առավել խիստ պատիժներ՝ պետական դավաճանության և լրտեսության համար․ ԲՀԿ-ի նախաձեռնությունը
Ադրբեջանի օգտին ՅՈՒՆԻՍԵՖ–ի ներկայացուցչի «լրտեսության» լուրերի հետքով. ինչ է ասում ԱԱԾ–ն
թեգերը:
Արցախ, լրտեսություն, լրտես, ական

Գլխավոր թեմաներ