09:02 23 ապրիլի 2021
Ուղիղ եթեր
  • USD522.24
  • GBP726.17
  • EUR628.99
  • RUB6.86
Արցախ
Ստանալ կարճ հղումը
18210

Մոսկվան կողմ է մշակութային, կրոնական նշանակության օբյեկտների նկատմամբ հոգատար վերաբերմունքին և կոչ է անում հնարավորինս շուտ Լեռնային Ղարաբաղ ուղարկել ՅՈՒՆԵՍԿՕ-ի առաքելությունը։

ԵՐԵՎԱՆ, 1 ապրիլի – Sputnik. Ռուսաստանը կողմ է, որպեսզի ՅՈՒՆԵՍԿՕ-ն շուտափույթ գործողություններ իրականացնի ղարաբաղյան հակամարտության գոտում։ Լրագրողների հետ ճեպազրույցում այս մասին ասել է ՌԴ ԱԳՆ պաշտոնական ներկայացուցիչ Մարիա Զախարովան ՝ մեկնաբանելով Ադրբեջանի կողմից հայկական մշակութային ժառանգության ոչնչացման հարցը:

«Մեր սկզբունքային դիրքորոշումն այն է, որ մենք կողմ ենք Լեռնային Ղարաբաղում և հարակից շրջաններում մշակութային, կրոնական նշանակության օբյեկտների նկատմամբ հոգատար վերաբերմունքին։ Մենք վերահաստատում ենք տարածաշրջանում ՅՈՒՆԵՍԿՕ–ի առաքելության շուտափույթ կազմակերպման կարևորությունը»,- ասել է Զախարովան։

Նա հավաստիացրել է, որ յուրաքանչյուր կոնկրետ դեպքի համար Մոսկվան կապ է պահպանում կողմերի հետ։

Հիշեցնենք, որ ՅՈւՆԵՍԿՕ-ի Հայաստանի ազգային հանձնաժողովը տեղեկացրել էր, որ Ադրբեջանը գետնին է հավասարեցրել իր ենթակայության տակ անցած տարածքում գտնվող եկեղեցիներից մեկը` 2017 թվականին Արցախի Մեխակավան բնակավայրում օծված Զորավոր սուրբ Աստվածածին եկեղեցին։ Հանձնաժողովը Twitter–ի իր էջում ահազանգել էր այդ մասին` հավելելով, որ ԻՍԻՍ-ի ձեռագրով է եկեղեցին ավերվել։

Նշենք, որ արդեն տևական ժամանակ է` ՅՈՒՆԵՍԿՕ-ն չի կարողանում ստանալ Ադրբեջանի ղեկավարության համաձայնությունը` նրա տիրապետության տակ անցած հայկական պատմամշակութային կոթողների վերահսկողություն և զննում իրականացնելու համար։

Ռուսաստանի և Թուրքիայի արտգործնախարարները քննարկել են Արցախի շուրջ ստեղծված իրավիճակը

Ըստ թեմայի

Ռուս խաղաղապահներն Արցախում տասներկու բեկորաֆուգասային արկ են վնասազերծել
Արցախում ռուսերենը կդառնա պաշտոնական լեզու. ԱԺ–ն ընդունեց օրենքի փոփոխությունը
Ռուս խաղաղապահները հասցեական մարդասիրական օգնություն են բաժանել Արցախում
թեգերը:
Ռուսաստան, Ադրբեջան, Հուշարձան, Արցախ

Գլխավոր թեմաներ