04:59 21 ապրիլի 2021
Ուղիղ եթեր
  • USD521.89
  • GBP729.86
  • EUR629.29
  • RUB6.85
Արցախ
Ստանալ կարճ հղումը
6810

Ապրիլյան պատերազմի ժամանակ հայ ժողովրդի ցուցաբերած միասնականությունն ու մեր հերոսների սխրանքները հավերժ կմնան մեր պատմության և սերունդների հիշողության մեջ։

ԵՐԵՎԱՆ, 2 ապրիլի – Sputnik. Արցախի Հանրապետության ԱԳՆ-ը հայտարարություն է տարածել 2016 թ.-ի ապրիլյան պատերազմի կապակցությամբ: 

«2016 թ. ապրիլին, խախտելով 1994 թ. Կրակի և ռազմական գործողությունների լիակատար դադարեցման մասին համաձայնագիրը, Ադրբեջանը, կիրառելով իր հարձակողական ողջ զինանոցը, լայնածավալ հարձակում ձեռնարկեց Արցախի Հանրապետության դեմ` թիրախավորելով ինչպես Պաշտպանության բանակի դիրքերը, այնպես էլ քաղաքացիական ենթակառուցվածքներն ու սահմանամերձ բնակավայրերը»,- ասված է հայտարարության մեջ:

Արցախի արտաքին քաղաքական գերատեսչությունն ընդգծում է, որ Ապրիլյան պատերազմի ընթացքում Ադրբեջանի կողմից իրականացվել են բազմաթիվ պատերազմական և մարդկության դեմ ուղղված հանցագործություններ. արձանագրվել հայ ռազմագերիների և խաղաղ բնակչության դաժան սպանությունների, խոշտանգումների և անմարդկային վերաբերմունքի բազում դեպքեր:

«Միջազգային հանրության կողմից Ադրբեջանի ռազմական հանցագործությունների չդատապարտված լինելու հանգամանքը հաջորդ տարիների ընթացքում էլ ավելի սաստկացրեց այդ երկրի ռազմատենչ նկրտումները, ինչի կիզակետը դարձավ 2020 թ. սեպտեմբերի 27-ին Արցախի դեմ նոր լայնածավալ պատերազմի սանձազերծումը՝ Թուրքիայի աջակցությամբ և միջազգային ահաբեկիչների ներգրավմամբ»,- նշում է ԱԳՆ-ն՝ համոզմունք հայտնելով, որ միջազգային հանրությունը պետք է վճռական գնահատական տա ցայսօր շարունակվող Ադրբեջանի ագրեսիվ քաղաքականությանը, միջազգային իրավունքի հանդեպ ծայրահեղ անարգանքին և ադրբեջանա-ղարաբաղյան հակամարտության կարգավորմանն ուղղված բանակցություններից հրաժարվելու փորձերին:

Եթե Ապրիլյան պատերազմից դասեր քաղած չլինենինք, այս պատերազմն այլ ելք կունենար. ԳՇ պետ

«Ապրիլյան պատերազմի ժամանակ հայ ժողովրդի ցուցաբերած միասնականությունն ու մեր հերոսների սխրանքները հավերժ կմնան մեր պատմության և սերունդների հիշողության մեջ»,- նշված է հայտարարությունում:

2016թ-ի ապրիլի 1-ի լույս 2-ի գիշերը ադրբեջանական զինուժը լայնամասշտաբ ռազմական գործողություններ սկսեց Արցախի Հանրապետության արցախա-ադրբեջանական շփման գծի ողջ երկայնքով։ Առավել թեժ մարտեր ընթացան հարավային (Հադրութ) և հյուսիսարևելյան (Մարտակերտ) ուղղություններում, ինչի հետևանքով հայկական կողմը ավելի քան 100 զոհ ունեցավ:

Ռազմական գործողությունները, Ռուսաստանի միջնորդությամբ, դադարեցվեցին ապրիլի 5-ի կեսօրին։

Ըստ թեմայի

«Գնում եմ Արցախ, որ հետո տղաս չգնա». բժիշկ Նարեկն Ապրիլյանից վերադարձավ, հիմա չստացվեց
Վերջին պատերազմի համեմատ ապրիլյանի «մեղքերն» ուղղակի հյուլե են. զեկույց չի՞ լինի
Բարձրաստիճան զինվորականները Եռաբլուր են այցելել. Ապրիլյան պատերազմի 5–րդ տարելիցն է
թեգերը:
Ադրբեջան, Արցախ, Ապրիլյան քառօրյա պատերազմ

Գլխավոր թեմաներ