19:04 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Արցախ
Ստանալ կարճ հղումը
333 0 0

Ադրբեջանի հերթական սադրանքը ԼՂ–ում գնահատում են որպես տեղեկատվական պատերազմի մի մաս և անհարգալից վերաբերմունք նախևառաջ ռուս գործընկերների հանդեպ։

ԵՐԵՎԱՆ, 6 ապրիլի - Sputnik. Արցախի իրավապահներն արձանագրել են Շուշի– Ստեփանակերտ մայրուղու վրա այսօր տեղի ունեցած միջադեպն ու դրա մասին տեղյակ են պահել ռուս խաղաղապահներին։ Այդ մասին Sputnik Արմենիային հայտնեց Արցախի նախագահի մամուլի քարտուղար Լուսինե Ավանեսյանը։

«Սա, ինչպես և ադրբեջանական կողմի մի շարք նմանատիպ քայլերը, մենք գնահատում ենք որպես Արցախի դեմ տեղեկատվական գրոհի, պատերազմի մի մաս և անհարգալից վերաբերմունք նախևառաջ մեր ռուս գործընկերների հանդեպ»,– ասաց Ավանեսյանը` կարծիք հայտնելով, որ ռուսական կողմը պատշաճ կարձագանքի կատարվածին։

Իսկ Արցախի իշխանությունները, նրա խոսքով, վերլուծում են կատարվածն ու համատեղ միջոցառումներ ձեռնարկում բնակչության անվտանգությունն ապահովելու համար։

Հիշեցնենք` Ադրբեջանցի զինվորականներն այսօր հրթական սադրանք էին իրականացրել Արցախում։ Նրանք, շրջանցելով ռուս խաղաղապահների` Շուշիի մոտ տեղակայված դիրքը, զարտուղի ճանապարհներով հասել էին Շուշիի մերձակայքում, հայկական վերահսկողության տակ գտնվող տարածքում տեղադրված տանկ–հուշարձանին:

Ինչպես հայտնել էր Wargonzo Telegram-ալիքը, ադրբեջանցի չորս զինվորականները հուշարձանի ցուցանակի վրա գրություններ էին արել ու հեռացել:

Հիշեցնենք նաև, որ արցախյան ազատամարտին ու 1992թ–ի Շուշիի ազատագրմանը մասնակցած և մայիսի 8-ին առաջինը բերդաքաղաք մտած հայկական տանկը դարձել էր Շուշիի ազատագրման խորհրդանշական հուշարձանը։

Շուշիում ադրբեջանցի վանդալները պղծել են Հովհաննես Թևոսյանի կիսանդրին. տեսանյութ

Ըստ թեմայի

Ադրբեջանն ամեն ինչ անում է, որ հայերը չվերադառնան Արցախ, այդ թվում՝ Հադրութ ու Շուշի. ԱԳՆ
Հեռախոսի լույսի ներքո. ինչպես են Շուշիի գորգերը հասել Երևան և ինչ են պատմում դրանք
««Պանդորայի արկղը» Շուշիում է թաքնված». Մովսես Հակոբյանը` պարտության պատճառների մասին
թեգերը:
Լուսինե Ավանեսյան, տանկ, խոսնակ, Արցախ, Շուշի

Գլխավոր թեմաներ