14:23 15 մայիսի 2021
Ուղիղ եթեր
  • USD522.48
  • GBP734.61
  • EUR632.67
  • RUB7.06
Արցախ
Ստանալ կարճ հղումը
65720

Արթուր Թովմասյանը հիշեցրել է, որ խաղաղ բանակցային գործընթացի այլընտրանքը պատերազմն է։

ԵՐԵՎԱՆ, 2 մայիսի – Sputnik. Արցախն Ադրբեջանի կազմում որևէ ուղղահայաց ենթակայության տակ չի կարող լինել։ Այս մասին հայտարարել է Արցախի Հանրապետության Ազգային ժողովի նախագահ Արթուր Թովմասյանը՝ ի պատասխան Ադրբեջանի դեմոկրատիայի և մարդու իրավունքների ինստիտուտի ղեկավար Ահմեդ Սահիդովի թվիթերյան այն գրառման։

Նշենք, որ Սահիդովն իր գրառման մեջ նշել էր, թե իբր 2020թ նոյեմբերի 9-ի հայտարարության կետերից մեկով Ստեփանակերտը հունիսին անցնելու է Ադրբեջանի հսկողության ներքո։ Նա նշել էր. «Եթե չեք հավատում, հարցրեք Նիկոլ Փաշինյանին»։

«Ադրբեջանի դեմոկրատիայի և մարդու իրավունքների ինստիտուտի ղեկավար Ահմեդ Սահիդովի՝ թվիթերյան էջում կատարած գրառումներն ադրբեջանական իշխանությունների հերթական սադրիչ գործելաոճի շարունակություն են։
2020թ նոյեմբերի 9-ի չարաբաստիկ հայտարարության մեջ Ստեփանակերտի՝ ադրբեջանական բանակի հսկողության տակ անցնելու մասին կետը բացակայում էր։ Այսօր Արցախի ժողովրդի անվտանգության երաշխավորը ՝ ռուս խաղաղապահ ուժերն ու Արցախի բանակն են»,–գրել է Թովմասյանը։

Նա համոզմունք է հայտնել, որ ԵԱՀԿ Մինսկի խմբի հովանու ներքո մենք հասնելու ենք լիակատար ազատության նախկին ԼՂԻՄ-ի սահմաններում։ «ԵԱՀԿ Մինսկի խմբի համանախագահող երկրների առաջնորդները ևս գիտակցում են, որ անվտանգության երաշխիքի հետ միասին Արցախի ժողովրդի համար հրատապ է Արցախի կարգավիճակի հարցը»,–կարծիք է հայտնել Թովմասյանը։

Անջատում հանուն փրկության․ Փաշինյանն ու Մակրոնը խոսել են Արցախի մասին

Նա նշել է` անվտանգություն և հստակ կարգավիճակ․ դրանցից մեկի բացակայության դեպքում Արցախը հայաթափվելու է։

«Լիահույս ենք, որ մենք քաղաքակիրթ աշխարհի մի մասնիկն ենք և, որպես անկախ պետություն, պատրաստակամ ենք փոխշահավետ համագործակցության պայմանագրեր կնքելու ոչ միայն տարածաշրջանի երկրների, այլև բոլոր խաղաղասեր երկրների հետ»,-նշել է Արցախի Հանրապետության ԱԺ նախագահը։

Արթուր Թովմասյանը հիշեցրել է, որ խաղաղ բանակցային գործընթացի այլընտրանքը պատերազմն է և նշել, որ մենք առաջարկում ենք արժանապատիվ խաղաղության օրակարգ:

Ըստ թեմայի

Թուրքիան մտադիր չէ գրոհայիններ տեղափոխել Դոնբաս և դա Ղարաբաղում էլ չի արել. Օմեր Չելիք
Ալիևը հայտնել է, որ Ղարաբաղում «Իսկանդեր-Մ»-ի կիրառման մասին Մոսկվայից պատասխան են ստացել
ՌԴ–ն կարևոր դեր է խաղացել Ղարաբաղի զինված հակամարտությունը դադարեցնելու գործում. Պուտին
թեգերը:
Արթուր Թովմասյան, Ստեփանակերտ, Ղարաբաղյան հակամարտություն, Լեռնային Ղարաբաղ, Արցախ, Հայաստան, Ադրբեջան

Գլխավոր թեմաներ