07:34 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Արցախ
Ստանալ կարճ հղումը
34402

Ըստ ադրբեջանական լրատվամիջոցների ՝ դիվանագետն ասել է, որ որոշ ընկերություններ արդեն գործունեություն ծավալելու թույլտվություն են ստացել:

ԵՐԵՎԱՆ, 2 հուլիսի - Sputnik. Ադրբեջանում ԱՄՆ դեսպան Էրլ Լիցենբերգը հայտարարել է, որ 44-օրյա պատերազմից հետո Ադրբեջանի վերահսկողության տակ անցած տարածքներում նախագծերի իրականացմանը կմասնակցեն ամերիկյան ընկերությունները:

Ըստ ադրբեջանական լրատվամիջոցների ՝ դիվանագետն ասել է, որ որոշ ընկերություններ արդեն գործունեություն ծավալելու թույլտվություն են ստացել:

ԱՄՆ դեսպանը նաև հայտարարել է, որ ԱՄՆ-ը պատրաստ է աջակցություն ցուցաբերել Ղարաբաղյան հակամարտության խաղաղ կարգավորման և Հայաստանի և Ադրբեջանի միջև հարաբերությունների հարթեցման հարցում:

Նրա խոսքով՝ տարածաշրջանում հակամարտության աղբյուրներն արմատախիլ անելու համար շատ կարևոր է, որ մարդիկ հաղորդակցության միջոց գտնեն:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Ըստ թեմայի

Լավրովը ՄԱԿ-ի հանձնակատարի հետ քննարկել է փախստականներին Ղարաբաղ վերադարձնելու հարցը
ՌԴ փոխարտգործնախարարն ու ՄԱԿ-ի հանձնակատարը քննարկել են Ղարաբաղի հումանիտար խնդիրները
Ոչ ոք շահագրգռված չէ ղարաբաղյան ճգնաժամի զարգացմամբ` ո՛չ Հայաստանը, ո՛չ Ադրբեջանը. Պուտին
թեգերը:
Արցախ, Լեռնային Ղարաբաղ, Ադրբեջան, Դեսպան, ԱՄՆ

Գլխավոր թեմաներ