23:43 04 օգոստոսի 2021
Ուղիղ եթեր
  • USD492.30
  • GBP686.02
  • EUR583.77
  • RUB6.76
Արցախ
Ստանալ կարճ հղումը
Խաղաղապահներն Արցախում (174)
7101

Ռազմական բժիշկները դաշտային բժշկական կետ` շարժական մոդուլ են տեղակայել Հաթերքի բնակիչներին ընդունելու ու որակյալ օգնություն ցուցաբերելու համար:

ԵՐԵՎԱՆ, 6 հուլիսի - Sputnik. ՌԴ ՊՆ մամուլի ծառայությունը հայտնում է, որ Մարդասիրական արձագանքման կենտրոնի սպաներն ու ռուսական խաղաղապահ զորախմբի հատուկ նշանակության բժշկական ջոկատի ռազմական բժիշկները մարդասիրական-բժշկական ակցիա են կազմակերպել Արցախի Մարտակերտի շրջանի Հաթերք գյուղում:

Նշվում է, որ ռազմական բժիշկները գյուղի հիվանդանոցի մոտ շարժական մոդուլ՝ դաշտային բժշկական կետ են տեղակայել տեղի բնակիչներին ընդունելու ու որակյալ բժշկական օգնություն ցուցաբերելու համար։ Բնակիչները սպասում էին ռուս ռազմական բժիշկների գալուն:

«Մենք մոտ 1600 բնակչություն ունենք՝ երեխաների ու ծերերի հետ։ Չորս բժիշկ կա՝ երկու թերապևտ, երկու մանկաբույժ: Կարծես թե գլուխ հանում ենք, բայց նեղ մասնագետների պահանջ կա, հատկապես ակնաբույժի ու քիթ–կոկորդի մասնագետի պակաս կա», - ասել է Հաթերքի գյուղական տեղամասի հիվանդանոցի վարիչ Ալեք Մակյանը։

Բուժզննման ընթացքում հատուկ նշանակության ջոկատի բժիշկները խորհրդատվական և որակյալ բուժօգնություն են ցուցաբերել գյուղի մոտ 200 հիվանդի: Բացի այդ, բոլոր ցանկացողները կարողացել են կորոնավիրուսի ՊՇՌ-թեստ հանձնել։

«Հաթերք բնակավայրի բնակիչները դիմել են մարդասիրական օգնություն ցուցաբերելու խնդրանքով։ Որոշում է կայացվել գնալ մասնագետների կազմով՝ ակնաբույժ, օտոլարինգոլոգ, վնասվածքաբան, սրտաբան, այդ բնակավայրի բնակիչներին մարդասիրական օգնություն ցուցաբերելու համար», - ասել է բժշկական ջոկատի պետ Մարատ Խատագովը:

Մարդասիրական արձագանքման կենտրոնի սպաներն իրենց հերթին բազմազավակ ընտանիքներին, հարկադիր տեղահանվածներին ու կարիքավորներին պարենային ապրանքներ, առաջին անհրաժեշտության իրեր, տաք շորեր ու  խաղալիքներ են տրամադրել:

Արցախցի մարզիկը մուայթայի միջազգային առաջնությունում հաղթել է ադրբեջանցուն

«Այսօրվա ակցիայից օգտվել է 61 ընտանիք, նրանցից 30–ը՝ հարկադիր վերաբնակեցվածներ են, 20–ը՝ բազմազավակ ընտանիքներ, որտեղ 5 և ավելի երեխա կա, մնացածը՝ անբարենպաստ պայմաններում հայտնված ընտանիքներ», – հայտնել է Մարդասիրական արձագանքման կենտրոնի ներկայացուցիչ Ռուսլան Իվանովը:

Հումանիտար ակցիայի ընթացքում ընդհանուր առմամբ փոխանցվել է յոթ ու կես տոննա բեռ։

թեմա:
Խաղաղապահներն Արցախում (174)

Ըստ թեմայի

Լավրովը ՄԱԿ-ի հանձնակատարի հետ քննարկել է փախստականներին Ղարաբաղ վերադարձնելու հարցը
ՌԴ փոխարտգործնախարարն ու ՄԱԿ-ի հանձնակատարը քննարկել են Ղարաբաղի հումանիտար խնդիրները
Ոչ ոք շահագրգռված չէ ղարաբաղյան ճգնաժամի զարգացմամբ` ո՛չ Հայաստանը, ո՛չ Ադրբեջանը. Պուտին
թեգերը:
Արցախ, Լեռնային Ղարաբաղ, Մարտակերտ, խաղաղապահ, բժիշկ

Գլխավոր թեմաներ