https://arm.sputniknews.ru/20210908/qashatax-950-yntaniq-tun-arcax-hayastan-28932901.html

Նոր ծրագիր տեղահանված քաշաթաղցիների համար. 950 ընտանիքի համար տուն գնելը կհեշտանա

Նոր ծրագիր տեղահանված քաշաթաղցիների համար. 950 ընտանիքի համար տուն գնելը կհեշտանա

Sputnik Արմենիա

ՀՀ աշխատանքի և սոցիալական հարցերի նախարարությունն աջակցության ծրագիր է մշակել և ներկայացրել հանրային քննարկման։ 08.09.2021, Sputnik Արմենիա

2021-09-08T16:34+0400

2021-09-08T16:34+0400

2021-09-08T16:38+0400

արցախ

քաշաթաղ

բնակարան

հիփոթեքային վարկ

https://cdn.am.sputniknews.ru/img/07e4/0c/01/25580438_0:87:1600:987_1920x0_80_0_0_5c9fffbc9116e47b525159f62786e1d9.jpg

ԵՐԵՎԱՆ, 8 սեպտեմբերի – Sputnik. ՀՀ աշխատանքի և սոցիալական հարցերի նախարարությունն առաջարկում է պետական աջակցություն տրամադրել ռազմական գործողությունների հետևանքով Արցախի Քաշաթաղի շրջանից տեղահանված շուրջ 950 ընտանիքի (3600 անձ)։ Այս մասին տեղեկանում ենք նախարարության պաշտոնական կայքից։Նշվում է, որ ծրագրի շահառու կարող են դառնալ ՀՀ մարզերում 2022 թվականի հունվարի 1-ից հիփոթեքային վարկով բնակելի անշարժ գույք ձեռք բերող կամ անհատական բնակելի տուն կառուցելու նպատակով հիփոթեքային վարկ ստացող, ինչպես նաև 2022 թվականի հունվարի 1-ից Արցախում բնակելի տուն կառուցելու նպատակով հիփոթեքային վարկ ստացող քաշաթաղցիները։ Աջակցությունը նախատեսվում է ուղղել հիփոթեքային վարկի ամենամսյա վճարների (մայր գումարի և տոկոսագումարի) մարմանը։Ծրագրում ընդգրկվելու համար պարտադիր պայման է վերաբնակեցման գրքույկի ու ԼՂՀ-ում բնավորման մասին պայմանագրի առկայությունը, առնվազն վերջին 3 ամիս Քաշաթաղում փաստացի բնակված լինելը, մինչև 2020 թ․ ռազմական գործողությունները Քաշաթաղում սեփականության իրավունքով իրենց պատկանող անշարժ գույքի առկայությունը։ Պետք է նաև, որ քաշաթաղցին ծրագրին դիմելու օրվա դրությամբ ՀՀ-ում և Արցախում սեփականության իրավունքով բնակելի անշարժ գույք չունենա։Քաշաթաղից Գյումրի տեղափոխված բազմանդամ ընտանիքը պատրաստվում է լքել ՀայաստանըԱջակցության ծրագրից կարելի է օգտվել մեկ անգամ՝ մեկ հիփոթեքային վարկի շրջանակում։Նախագծի հաստատման դեպքում աջակցության չափը կկազմի ՀՀ մարզերում հիփոթեքային վարկով բնակելի անշարժ գույք ձեռք բերելու կամ անհատական բնակելի տուն կառուցելու դեպքում` հանրագումարային մինչև 10 մլն դրամ, բայց ոչ ավելի, քան ամսական 83,000 դրամ, իսկ տոկոսագումարների մարման համար՝ հանրագումարային մինչև 5,85 մլն դրամ, բայց ոչ ավելի, քան ամսական 49,000 դրամ։Իսկ Արցածում բնակելի տուն կառուցելու դեպքում հիփոթեքային վարկի մայր գումարի ամսական վճարների մարման համար՝ հանրագումարային մինչև 12 մլն դրամ, բայց ոչ ավելի, քան ամսական 100,000 դրամ, իսկ տոկոսագումարների մարման համար՝ հանրագումարային մինչև 8,66 մլն դրամ, բայց ոչ ավելի, քան ամսական 67,000 դրամ։Նախարարությունը հայտնում է, որ նախագիծն այս պահին ներկայացվել է հանրային քննարկման՝ e-draft իրավական ակտերի նախագծերի հրապարակման միասնական կայքում։Կա՛մ մեզ թող ամեն ինչով ապահովեն, կա՛մ փախստականի կարգավիճակ տան. քաշաթաղցիներ

https://arm.sputniknews.ru/20210106/taqun-mtatsumem-norits-hadruti-mer-tannenq-aprelu-artsaxtsi-erexaneri-erazanqnery-25963772.html

https://arm.sputniknews.ru/20210902/arcax-ankaxutyan-or-28872240.html

քաշաթաղ

2021

Լուրեր

am_HY

արցախ, քաշաթաղ, բնակարան, հիփոթեքային վարկ