Մեկ շաբաթ տևած «Ոսկե ծիրան» փառատոնի ընթացքում Հայաստան կատարած իր հերթական այցելությամբ կինոյի սիրահարներին ուրախացրեց համաշխարհային կինոյի կենդանի դասական, լեհ ռեժիսոր, սցենարիստ Քշիշտոֆ Զանուսին:
Լեհ կինոռեժիսոր, սցենարիստ և պրոդյուսեր, Վենետիկի կինոփառատոնի գլխավոր` «Ոսկե առյուծի» մրցանակակիր, բազմաթիվ միջազգային և ազգային մրցանակների դափնեկիր Քշիշտոֆ Զանուսին հանդիսատեսին նվիրեց ոչ միայն բացառիկ վարպետության դաս, իր գրավիչ շփումը, այլև տարբեր թեմաներով մտքերի մի ամբողջ «հավաքածու», որոնցից ամենահիշվածները ներկայացնում ենք ձեր ուշադրությանը։
1/9
© Sputnik / Asatur Yesayants
Ես, միանշանակ, կոսմոպոլիտ եմ և շատ եմ կապված Լեհաստանի հետ։ Վստահ եմ, որ անհնար է լինել հայրենասեր` միաժամանակ չլինելով կոսմոպոլիտ։ Հակառակ դեպքում դա կլինի կույր սեր, իսկ ցանկացած կույր սեր կործանարար է։ Դա հանգեցնում է ազգայնամոլության։ Եվ միայն կոսմոպոլիտ լինելով կարող ես սիրել քո հայրենիքն իսկապես, ինչպես մորդ, երեխայիդ, ընտանիքդ, այսինքն` բոլոր թերություններով և առավելություններով հանդերձ։
2/9
© Sputnik / Asatur Yesayants
Եթե դուք հիշեք Պլատոնին և Արիստոտելին, ապա կհասկանաք, որ քիչ բան կարող է ավելի ավանդական լինել, քան հոմոսեքսուալիզմը
3/9
© Sputnik / Asatur Yesayants
Եթե ֆիլմ, բեմադրություն դիտելուց կամ գիրք ընթերցելուց հետո դուք սկսում ենք ավելի լավ գիտակցել ձեր տեղը տիեզերքում, ապա դա լավ արվեստ է, իսկ եթե` ոչ, ապա դա ժամանակի զուր վատնում է։ Հեռուստասերիալը զուր վատնած ժամանակի լավագույն օրինակն է։ Իսկ կինո եմ նկարում, քանի որ չգիտեմ պատասխանները, իսկ նրանք, ովքեր գիտեն պատասխանները, թող աշխատեն բանկում
4/9
© Sputnik / Asatur Yesayants
Տաղանդավոր ռեժիսորի ցանկացած ֆիլմ առաջին հերթին զրույց է սիրո մասին։ Սերը ծանր աշխատանք է` առավոտից մինչ երեկո։ Սերն այն է, երբ ուզում ես, որ սիրելիդ իրեն լավ զգա և ավելի լավը դառնա
5/9
© Sputnik / Asatur Yesayants
30 տարի առաջ ես թռչում էի Կոնկորդ ինքնաթիռով։ Ես ընդամենը երեք ժամում էի Լոնդոնից հասնում Նյու Յորք։ Այսօր դա անհնար է, բոլոր ինքնաթիռներն ավելի դանդաղ են թռչում։ Կոնկորդին սպանեց տնտեսությունը։ Բենզինի գները բարձրացան, և որոշվեց, որ ավելի լավ է ինքնաթիռներն էժանացնել, և կարևոր չէ, որ դրանք դանդաղ են թռչելու։ Նույնը կատարվում է և կինոյի հետ
6/9
© Sputnik / Asatur Yesayants
Այսօր, ցավոք, որոշում է ոչ թե հեղինակությունը, այլ ամբոխը
7/9
© Sputnik / Asatur Yesayants
Երբ ես քաղցած եմ, կարող եմ ճաշել Մակդոնալդում, սակայն կարող եմ գնալ էլիտար ռեստորան և փորձել նրբախորտիկներ։ Կամ ուրիշ օրինակ. ես կարող եմ գնել սերիական արտադրության հագուստ կամ դիմել դերձակի։ Նման կերպ նաև կինոյում է, որը լինում է հեղինակային կամ զանգվածային
8/9
© Sputnik / Asatur Yesayants
Որևէ բան չունեմ ֆեմինիստական շարժման դեմ, սակայն կարծում եմ, որ ֆեմինիզմը, խոլեստերինի պես, կարող է լինել ինչպես վնասակար, այնպես էլ օգտակար
9/9
© Sputnik / Asatur Yesayants
Հայտնվել է «հանդուրժողականություն» նորաձև բառը։ Սակայն այն շատ հարաբերական է։ Ես ունեմ լաբրադոր ցեղատեսակի 9 շուն։ Նրանք գենետիկորեն հետապնդում են իմ հարևանների հավերին։ Իսկ ես տանել չեմ կարողանում այդ մսի հոտը, և, բացի այդ, պետք է ամեն անգամ ներողություն խնդրել հարևաններից, վճարել նրանց և այլն։ Փայտի օգնությամբ ես, վերջապես, իմ շների հարցում հասա «հանդուրժողականության»... սակայն ՍԻՐՈ` ոչ մի դեպքում
