Հայտնի մարդկանց աղմկահարույց ամուսնալուծությունները

Հայտնի դերասանուհի Անջելինա Ջոլին արդեն ներկայացրել է իր ոչ պակաս հայտնի ամուսին Բրեդ Փիթից բաժանվելու փաստաթղթերը։ Ինչպես հաղորդում են ԶԼՄ–ները, պատճառը երեխաների հետ կապված տարաձայնություններն են։ Անջելինա Ջոլին Բրեդ Փիթի հետ պաշտոնապես ամուսնացել է 2014թ–ի օգոստոսին։ Նրանք հանդիպել են «Միստր և միսիս Սմիթ» ֆիլմի նկարահանումների ժամանակ 2004թ–ին։ 2012թ–ին հայտարարել են նշանադրության մասին։ Աստղային զույգն ունի 6 երեխա` 3 հարազատ և երեք որդեգրված։

Ռուսաստանի նախագահ Վլադիմիր Պուտինը և նրա կինը` Լյուդմիլան, 2013թ–ին հայտարարեցին, որ ամուսնալուծվում են։ Ռուսաստանի առաջին զույգը համատեղ կյանքով է ապրել 30 տարի։ Պետք է նշել, որ ամուսնալուծությունը շատ քաղաքակիրթ է անցել և առանց սկանդալների։ Զույգն ունի երկու դուստր։

Դերասան Ջոնի Դեփը երկու անգամ է ամուսնացած եղել։ Դերասանուհի Վանեսա Պարադիի հետ ամուսնությունը տևել է 14 տարի։ Դերասանուհի Էմբեր Հերդի հետ ամուսնությունը երկար չի տևել, պաշտոնական ամուսնությունից երկու ամիս անց խնդիրներ են ծագել։ Սկանդալային ամուսնալուծության մանրամասները շարունակում են շրջանառվել մամուլում, ամուսնալուծության գործընթացը դեռ շարունակվում է։

Ջոնի Դեփի նախկին կին, դերասանուհի և երգչուհի Վանեսա Պարադի։

Դերասանուհի Մոնիկա Բելուչիի և դերասան Վենսան Կասելի ամուսնությունը տևել է 14 տարի։

Սերգեյ Բեզրուկովի և Իրինա Բեզրուկովայի աղմկահարույց ամուսնալուծությունից հետո 2016թ–ի մարտին դերասանը երկրորդ անգամ ամուսնացավ սցենարիստ Աննա Մատիսոնի հետ։

Սերգեյ և Իրինա Բեզրուկովներն ամուսնալուծվել են 2015թ–ին` 15 տարվա ամուսնությունից հետո։ Նրանք ընդհանուր երեխաներ չուներ։ Լուսանկարում Իրինա Բեզրուկովան է։

Հայտնի ֆուտբոլիստ, Ալմաթիի «Կայրաթի» կիսապաշտպան Անդրեյ Արշավինը վերջերս ամուսնացել է երկրորդ անգամ և պատրաստվում է չորրորդ անգամ հայր դառնալ։ Նրա ներկա կինը Ալիսա Կազմինան է։

Նախկին կնոջ` Յուլիա Բարանովսկայայի հետ Արշավինն ապրել է 10 տարի։ Զույգի բաժանումը նույնպես մեծ աղմուկ բարձրացրեց. Արշավինը հեռացել էր կնոջից այն ժամանակ, երբ զույգը պատրաստվում էր երրորդ երեխայի ծնունդին։ Ինչպես պնդում են ԶԼՄ–ները, վերջին անգամ Անդրեյն իր երեխաներին տեսել է 2014թ–ին։

Դերասանուհի Դեմի Մուրն ամուսնացած է եղել երեք անգամ։ 2005—2013 թթ–ին Դեմին ամուսնացել է դերասան Էշթոն Կուտչերի հետ, որի հետ ամուսնալուծությունը շատ երկար ու տանջալից է եղել։ Կուտչերը սկսել է հանդիպել դերասանուհի Միլա Կունիսի հետ, այժմ զույգը սպասում է երկրորդ երեխային։

Ջենիֆեր Լոպեսը և Մարկ Էնթոնին ամուսնացել են 2004թ–ի հունիսի 5–ին։ 2008թ–ին Լոպեսն ունեցել է երկվորյակ` Մաքսը և Էմին։ 2011թ–ի հուլիսի 15–ին նրանք հայտարարել են, որ բաժանվում են։

Մելանի Գրիֆիտը և Անտոնիո Բանդերասը միասին ապրել են 18 տարի, և այս բոլոր տարիներին նրանց ամուսնությունն օրինակելի է համարվել։ 2015թ–ին զույգն ամուսնալուծվել է, պատճառն իսպանացու ավելորդ սիրառատությունն է եղել և ըստ այդմ`կնոջ խանդը։

Դերասան Մարատ Բաշարովը 2014թ–ի մայիսի 31–ին ամուսնացել է դերասանուհի Եկատերինա Արխարովայի հետ։ 2014թ–ի հոկտեմբերին Եկատերինան բազմաթիվ վնասվածքներով, քթի կոտրվածքով և ուղեղի ցնցումով տեղափոխվել է հիվանդանոց։ 21014թ–ի նոյեմբերի 11–ին «Թող խոսեն» (Пусть говорят) հաղորդման եթերում նա պատմել է Բաշարովի դաժանության պոռթկումների, իրեն ծեծի ենթարկելու և ալկոհոլի նկատմամբ հակվածության մասին։ 2015թ–ի մարտին Արխարովան և Բաշարովն ամուսնալուծվել են։ Հիմա դերասանն ամուսնացել է Ելիզավետա Շևիրկովայի հետ, զույգն ունի մեկ որդի` Մարսելը։

Սուպերմոդոլ Նատալյա Վոդյանովայի և լորդ Ջասթին Պորտմանի ամուսնությունը տևել է 9 տարի։ Վերջինի ալկոհոլային կախվածության պատճառով չի հաջողվել փրկել ամուսնությունը։ Զույգն ամուսնալուծվել է 2011թ–ին։ Նրանք ունեն 3 երեխա։ Այժմ մոդելը քաղաքացիական ամուսնության մեջ է ֆրանսիացի գործարար, նորաձևության ինդուստրիայի ժառանգորդ Անտուան Առնոյի հետ։ Զույգն ունի երկու որդի` Մաքսիմը և Ռոմանը։

Մամուլի պնդումների համաձայն` Կոնստանտին և Վալերի Մելաձեները, լինելով ամուսնացած, երկակի կյանք են վարել։ Վալերի Մելաձեն վաղուց հարաբերությունների մեջ է եղել «Վիա Գրա» խմբի երգչուհի Ալբինա Ջանաբաևայի հետ, նրանք երկու որդի ունեն։ Վալերին երկար թաքցրել է այդ փաստը կնոջից, որի հետ ունի երեք դուստր։ Արդյունքում զույգն ամուսնալուծվել է 2012թ–ին։ Կոնստանտին Մելաձեն ամուսնացած է եղել Յանա Մելաձեի հետ 19 տարի, և 2013–ին զույգն ամուսնալուծվել է։ Նրանք ունենք 3 երեխա։ 2015թ–ի հոկտեմբերի 23–ին Կոնստանտին Մելաձեն ամուսնացել է «Վիա Գրա» խմբի նախկին անդամ Վերա Բրեժնևայի հետ։

Ֆրանսիայի նախկին նախագահ Նիկոլյա Սարկոզին պաշտոնապես ամուսնացած է եղել երեք անգամ։ 1982թ–ին նա ամուսնացել է կորսիկուհի Մարի–Դոմինիկ Կյուլոլիի հետ, զույգն ունի երկու տղա։ 1984թ–ին Սարկոզին ծանոթացել է Սեսիլիա Մարտենի հետ, հանուն որի ամուսնալուծվել է առաջին կնոջից։ 1996թ–ին Նիկոլյան և Սեսիլիան ամուսնացել են, իսկ 1997թ–ին ծնվել է նրանց որդի Լուին։ 2007թ–ին նրանք ամուսնալուծվել են։ Մեկ ամիս անց Սարկոզին ամուսնացել է իտալացի երգչուհի և նախկին սոպերմոդել Կառլա Բրունիի հետ։ Նրանք մինչև հիմա միասին են։