Շաբաթվա մարդիկ. ամենասովորականից մինչև ամենաարտառոցը

Կնուպ Տոմոպուլուս

Ավարտել է Նյու Յորքի համալսարանի Հանթեր Քոլեջը։ 8 տարեկանից զբաղվում է երաժշտությամբ։ Այժմ «Վիզա» խմբի վոկալիստն է։

-Երբ երեխա էի, ցանկանում էի օդաչու դառնալ, բայց հետո սկսեցի ռոքնռոլ լսել, ու ամեն ինչ փոխվեց։

Ապագայում ցանականում է երեխաների համար գիրք գրել և ստեղծել երաժշտություն՝ բոլոր ժամանակների համար, որը կոգեշնչի գալիք սերունդներին։

Նինա Տատկալա

Ավարտել է Երևանի Վ. Բրյուսովի անվան լեզվաբանական համալսարանը: Այժմ նույն համալսարանի ռուսերեն և օտար լեզուներ ֆակուլտետի դեկանն է:

-Մանուկ ժամանակ երազում էի օպերային երգչուհի դառնալ:

Ապագայում կուզեր զբաղվել կրթությամբ՝ բարեգործական հիմունքներով:

Վարդան Ավանեսյան

Ավարտել է ԵՊՀ ժուրնալիստիկայի ֆակուլտետը։ Երկու տարի է ինչ զբաղում է վիդեոմնտաժով և անիմացիայով։

-Երբ փոքր էի, ցանկանում էի ֆուտբոլիստ դառնալ:

Ապագայում ցանկանում է ապրել Բրազիլիայում, շատ գումար ունենալ ու ոչնչով չզբաղվել։

Անուշ Քոչարյան

2012 թ-ին ավարտել է ԵՊՀ ժուռնալիստիկայի ֆակուլտետը։ Մոտ 7 տարի է զբաղվում է մշակութային լրագրությամբ։

-Երբ փոքր էի, ցանկանում էի աստղագետ դառնալ, քանի որ մտածում էի, որ կկարողանամ աստղերին կպնել։

Ապագայում ցանկանում է մի տուն ունենալ՝ շատ սենյակներով, որի ձեղնահարկում կնստի ու կգրի՝ «Կատուն ունեմ, ճոճաթոռն ունեմ, մնում է՝ տունը»։

Ֆյոդոր Հարությունյան

1973 թ-ին ավարտել է Արցախի Բեգում Սարով գյուղի միջնակարգ դպրոցը։ Մոտ 30 տարի աշխատել է ավտոդողերի գործարանում, ապա քարի արտադրամասում։ Այժմ աշխատում է Կենտրոն-կանաչապատումում։

Լիլիթ Գրիգորյան

Մասնագիտությամբ լրագրող է։ Շուրջ 7 տարի է, ինչ աշխատում է հեռուստատեսությունում որպես խմբագիր և գծային պրոդյուսեր։

-Երբ փոքր էի, վստահ էի, որ մուլտյաշկա եմ դառնալու, ու հուսով էի, որ մատնաչափիկը կդառնամ, ավելի ճիշտ վստահ էի, որ մատնաչափիկը ես եմ։

Ապագայում ցանկանում է հարուստ լինել, երեխաներ ունենալ, աշխատել է հեռուստատեսությունում ու ֆեյսբուքում, անպայման, Լեոնարդո դի Կապրիոյի հետ նկար ունենալ։

Ռոման Բերեզովսկի