Հոքինգը զբաղվում էր գիտության տարածմամբ։ 1988թ. գիտնականը հրապարակել է իր հետազոտությունների «Ժամանակի համառոտ պատմություն. մեծ պայթյունից մինչև սև խոռոչներ» գիրքը, որը համաշխարհային բեսթսելեր է դարձել։
Գիտնականը սատարել է ՏՏ ոլորտի միլիարդեր Յուրի Միլների Breakthrough Listen նախագիծը, որն ուղղված է այլմոլորակային կյանքի ազդակների որոնմանը։ 2016 թվականի ապրիլին Սթիվեն Հոքինգն ու Յուրի Միլները հայտնել էին Breakthrough Starshot նախագծի մեկնարկի մասին, որի նպատակն է նանոռոբոտ ուղղարկել Ալֆա Ցենտավրա աստղային համակարգ։
Մեծագույն գիտնականը հնչյունավորել է ինքն իրեն` «Սիմփսոնները» և «Ֆուտուրամա» հայտնի մուլտսերիալներում, նկարահանվել հայտնի սերիալների էպիզոդներում։
Նա հնարավորինս բաց և հասանելի էր աշխարհի, նույնիսկ հոգևորականների համար, որոնք ապրիորի չէին կարող ընդունել գիտնականի աշխատությունները։ Հոքինգն երկու անգամ հանդիպել է Հռոմի Կաթոլիկ եկեղեցու ղեկավարների` Հռոմի պապ Ֆրանցիսկոսի ու Բենեդիկտոս XVI-ի հետ։
Գիտնականը նաև կանխատեսել է, որ 2060 թվականին մարդկությունը վերանալու է։ Գիտնականի կարծիքով` Երկրի բնակչությունը կաճի, էներգիայի սպառումը կավելանա, իսկ մոլորակը կվերածվի «վառվող հրե գնդի»։
