Մարդիկ սովորաբար երկու խմբի են բաժանվում` կատու սիրողների և չսիրողների։ Բայց երկրորդ խմբին պատկանող մարդկանց կյանքը կարող է փոխվել, եթե նրանց ճանապարհին հայտնվի այն միակ կատուն, որը կշրջապատի սիրով և միայն կատուներին բնորոշ քնքշությամբ։
Այդ կատուն կարող է լինել փափկամազ կամ լրիվ «մերկ», մեծ ականջներով կամ ընդհանրապես առանց ականջների, պոչավոր կամ պոչատ, բայց երբ մոտենա ձեզ, և դուք չկարողանաք դիմադրել նրա խորաթափանց աչքերի մոգությանը, այդ ժամանակ ամեն ինչ կհասկանաք։ Եվ այլևս չեք հավատա, որ եղել է մի ժամանակ, որ չեք սիրել այդ կենդանիներին։
Մոսկվայում «Կատուների մարգարտե շոու» խորագրով միջազգային ցուցահանդես է անցկացվել։ Ինչի՞ համար էին մարդիկ այցելել այդ ցուցահանդես։ Գնացել էին տեսնելու կատուների հարցական ու զարմացած հայացքը, տարակուսանքով նայող աչքերը, երկար ու կարճ ականջները, պոչերն ու թաթերը։
Իսկ ովքեր չեն կարողացել այցելել ցուցահանդես, կարող են դիտել Sputnik-ի ֆոտոշարքը։
Վայելեք։