Օգտատերերը ափսոսում են, որ թեմատիկ այգին Վիրջինիայում այդպես էլ չբացվեց։ Այգու կառուցման աշխատանքները դադարեցին 2010 թվականին։ Այդ ժամանակ Հովարդ Հենքինսը, որի ֆերման կիսակառույց այգուց մոտ 10 մղոն հեռավորության վրա է գտնվում, սկսեց իր մոտ տանել անտեսված ու «գլխատված» նախագահներին։ Դրանցից յուրաքանչյուրը մինչև 9 տոննա է կշռում։
ԶԼՄ-ների տեղեկություններով՝ մի կիսանդրու տեղափոխությունը մոտ մեկ շաբաթ էր տևում ու մոտ 50 հազար դոլար արժեր։ Բայց Հովարդը ֆինանսավորման խնդիրը լուծելու տարբերակ է գտել․ դրա համար նա էջ է բացել ու պատրաստվում է 500 հազար դոլար հավաքել՝ արձանները վերականգնելու և այգին վերաբացելու համար։
«Ծրագրում եմ նոր թանգարան բացել ու քանդակներն այնտեղ տեղափոխել, որից հետո բոլորը կարող են տեսնել դրանք»,- նշված է GoFundMe-ի էջում։
Փրկված կիսանդրիների կարևոր մասերը՝ օրինակ` քիթը կամ ականջը, կամ նախագահ Լինքոլնի ծոծրակի հսկայական անցքը, բավականին հետաքրքիր են։ Մի խոսքով՝ արժի ժամանակ ծախսել ու դիտել այդ տեսարանը։
