10:18 26 մայիսի 2020
Ուղիղ եթեր
  • USD483.00
  • GBP588.54
  • EUR526.57
  • RUB6.76
Լուսանկարներ

Հեքիաթային ու սատանայական. աշխարհի ամենագեղեցիկ քարանձավները՝ լուսանկարներով

Ստանալ կարճ հղումը
384 0 0
  • Փրայա Նակհոն, Թայլանդ։ Առաջին սրահում ստալագմիտներից ու ստալակտիտներից բաղկացած «սառած» ջրվեժն է։ Երկրորդի առաստաղը երկրաշարժից փլուզվել է, պատերի երկայնքով աստիճաններ են, որոնցով զբոսաշրջիկները կարող են 65 մետր ներքև իջնել։ Օրվա որոշակի ժամերի արևը լուսավորում է Ռամա 5-րդ արքայի(19-20-րդ դդ) կառուցած փոքրիկ տաճարը։
  • Չիլիի մարմարե քարանձավները։ «Մարմարե տաճարը» գտնվում է Չիլիի Խեներալ Կարրերա լճի մոտ։ Սպիտակ կրաքարե պատերին արևի լույսի տակ խաղում են բաց կապույտ ջրի ցոլքերը։ Համարվում է, որ զարմանահրաշ թունելները ձևավորվել են ալիքների ազդեցությամբ
  • Եղեգնյա ֆլեյտայի քարանձավ, Չինաստան։ Հնագույն ժամանակներում այստեղի մուտքի հատվածից էին հավաքում ֆլեյտայի տեսակներից մեկը, որից երաժշտական գործիքներ էին պատրաստում։ Պատերի զարմանալի նստվածքների պատճառով տարածքի որոշ հատվածներ հատուկ անուններ են ստացել՝ «Բյուրեղապակե պալատ», «Վիշապի մեհյան», «Ծաղկալեռ»։ Քարանձավը հաճախ անվանում են «Բնական արվեստների պալատ»։
  • Բյուրեղների քարանձավը Մեքսիկայում հայտնի է դարձել հսկա նստվածքների՝ սելենիտների (հանքանյութ, գիպսի տեսակ)շնորհիվ։ Դրանցից ամենամեծն ունի 11 մետր երկարության, 4 մետր լայնության և կշռում է մոտ 55 տոննա:  
Քարանձավում հնարավոր չէ 20 րոպեից երկար մնալ. Օդի ջերմաստիճանն այնտեղ մոտ 58 աստիճան է. քարանձավից ներքև գտնվող մագմային խոռոչը տաքացնում է ստորգետնյա ջրերը։
  • Բատուի քարանձավները գտնվում են Մալազիայի մայրաքաղաք Կուալա-Լումպուրի մոտակայքում, դրանք մոտ 400 միլիոն տարեկան են։ Այս վայրը հայտնի է ոչ միայն իր տասն արձանազարդ քարանձավներով, այլ նաև հինդուիզմի սրբավայր-տաճարներից մեկով։ Մուտքի մոտ Մուրուգան աստծո 43 մետրանոց արձանն է։ Ներսում չղջիկներ են ապրում և երես առած կապիկներ, որոնք զբոսաշրջիկներից ուտելիք են պահանջում։
  • Նոր Զելանդիայի Վայտոմո կայծկլտացող քարանձավի պատերին հնագույն ծովային օրգանիզմների մնացորդներ են։ Ինչ-որ ժամանակ այստեղ օվկիանոս է եղել. ջուրը վաղուց հետ է քաշվել, և ստորերկրյա անձավներում հիմա մութ է և խոնավ, իսկ դա կատարյալ պայման է Arachnocampa Luminosa տեսակի լուսատտիկների բնակության համար։ Այս միջատները քիմիական նյութեր են արտադրում, որոնք թթվածնի հետ փոխազդելով սկսում են լույս արձակել։
  • Բելիզի(Կենտրոնական Ամերիկա) Բարթոն Կրիկ քարանձավ կարելի է հասնել միայն կանոեով։ Հենց այդպես են այնտեղ հասել մայաները ավելի քանի երկու հազար տարի շարունակ։ Ստորերկրյա դահլիճներում նրանք ծիսական արարողություններ են իրականացրել և թաղել են ցեղակիցներին։ Հնէաբաններն այստեղ կավե ամանեղենի մնացորդներ և մարդկային ոսկորներ են հայտնաբերել։
  • Մամոնտային քարանձավը ոչ միայն ԱՄՆ-ում, այլև աշխարհում ամենաերկարն է: Այն ունի ավելի քան 587 մետր երկարություն։ Քարանձավը գտնվում է Քենթուկի նահանգում։ «Mammoth»-ը անգլերենից թարգմանաբար նշանակում է թե՛ «հսկայական»։ Քարանձավն ավելի քան 10 միլիոն տարվա պատմություն ունի։ Մասնագետներն այստեղ հնդկացիների մումիաներ են հայտնաբերել, հիմա այնտեղ հազարավոր չղջիկներ են ապրում, իսկ ստորգետնյա գետերում, ի թիվս այլ կույր ձկների, լողում է «կույր ալբինոս» ծովախեցգետինը։
  • Կանգոյի հարավաֆրիկյան քարանձավների ներսի պատկերազարդումները մի քանի հազար տարեկան են։ Սրահներից մեկում՝ «Երգեհոնի սրահ» կոչվող անձավում, ստալակտիտե արձաններ են ձևավորվել, որոնք ձևով երգեհոն են հիշեցնում։ Մի ժամանակ այստեղ իրոք կարելի էր երաժշտություն լսել։ Բայց այցելուներից շատերը փորձում էին սրահի «ինտերիերից» մի կտոր իրենց հետ տանել։
  • Հունական Կեֆալոնիա կղզում գտնվող Մելիսսանի քարանձավն անվանում են «Հավերժահարսների քարանձավ»։ Հնէաբաններն այստեղ Պան աստծո արձանիկներ և պարող աղջիկների պատկերով սկավառակ են գտել։ Լեգենդի համաձայն՝ Մելիսսանի հավերժահարսը սիրահարվել է Պանին, բայց նրա զգացմուքներն անպատասխան են մնացել. Աղջկա արցունքներից այստեղ լիճ է գոյացել։ Ասում են՝ եթե սիրահարները միաժամանակ ձեռքերը մտցնեն այդ ջրի մեջ, երջանիկ կյանք կունենան։ Իսկ միայնակ զբոսաշրջիկները՝ շուտով կգտնեն իրենց երկրորդ կեսին։
  • Իսլանդիա, Սկաֆտաֆել սառցե քարանձավ։ Իսլանդայի համանուն ազգային պարկում գտնվող քարանձավը ձևավորվել է դարեր շարունակ կուտակված սառցե շերտերից։ Այստեղ սառույցը շափյուղայի գույն ունի և այնքան խիտ է, որ ներսում ջրի պղպջակներ բոլորովին չկան։ Երբեմն սառցաշերտը շարժվում է։
  • Վիետնամական Շոնդոնգը աշխարհի ամենախոշոր քարանձավն է։ Այն մոտ հինգ միլիոն տարեկան է։ Խոռոչն առաջացել է, որբ ստորերկրյա գետը ճանապարհ էր հարթում դեպի կրաքարային հող։ Այստեղ ջունգլիներ կան, իսկ ջերմաստիճանի տատանումների պատճառով երբեմն անգամ ամպեր ու մառախուղներ են լինում։
  • Կաշկուալի քարանձավ (Սև Չարքի քարանձավ), Խակասիա։ Միստիկ ու խորհրդավոր անձավ, որից խորհուրդ են տալիս հեռու մնալ։
  • Եզակի երկրաբանական հուշարձան՝ Ռուսաստանի եվրոպական մասի կարստային քարանձավներից մեկը։
© Depositphotos / Vova130555@gmail.com
Փրայա Նակհոն, Թայլանդ։ Առաջին սրահում ստալագմիտներից ու ստալակտիտներից բաղկացած «սառած» ջրվեժն է։ Երկրորդի առաստաղը երկրաշարժից փլուզվել է, պատերի երկայնքով աստիճաններ են, որոնցով զբոսաշրջիկները կարող են 65 մետր ներքև իջնել։ Օրվա որոշակի ժամերի արևը լուսավորում է Ռամա 5-րդ արքայի(19-20-րդ դդ) կառուցած փոքրիկ տաճարը։

Քարանձավները բացառիկ են իրենց գեղեցկությամբ։ Բոլոր ժամանակներում դրանք մարդկանց հիացրել են, նաև վախեցրել՝ չբացահայտված գաղտնիքներով։ Մարդկությանը հաճախ թվացել է՝ այնտեղ է գտնվում մեռյալների կամ հրեշների թագավորության մռայլ աշխարհը։

Զարմանահրաշ է, օրինակ, Կունգուրի անձավը՝ Ռուսաստանի մեծագույն կրաքարային քարանձավներից մեկը։ Այն գտնվում է Ուրալում, Պերմից 100 կմ հեռավորության վրա, Ֆիլիպովկա գյուղում։ Քարանձավի խորքում թաքնված են 70 վճիտ լճեր և 58 սառցե քարայրներ։ Կունգուրի մասին բազմաթիվ լեգենդներ կան, օրինակ՝ որ այստեղ է թաղված Երմակի գանձը։

Խակասիայի (ՌԴ) Քաշկուլակի քարանձավում հատակը ծածկված է կենդանիների ոսկորներով և խարույկի մոխրով: Դրանք շամանական ծեսերի հետքեր են: Զոհաբերությունները կատարվել են Տաճարի քարայրում՝ մեծ ստալագմիտի վրա։ Տեղի բնակիչներն աշխատում են հեռու մնալ քարանձավից։

Թայֆուն՝ COVID-19-ի ֆոնին, կամ կրկնակի հարված Ֆիլիպիններին․ ազդեցիկ լուսանկարներ

Ասում են՝ զբոսաշրջիկների որոշ խմբեր այնտեղից խուճապահար դուրս են փախել։ Եվ, շունչ քաշելով, միմյանց պատմել են, որ արջի մարմնով ու մարդկային արյունոտ գլխով հրեշ կամ դեպի խավարը կանչող շաման են տեսել։

Վիետնամի Շոնդոնգ քարանձավը ամենախոշորն է աշխարհում, որի ծավալը 38․5 միլիոն խորանարդ մետր է։ Որոշ տեղերում քարանձավի բարձրությունը հասնում է 200, իսկ լայնությունը՝ 150 մետրի։

Ավիաշքերթից մինչև բողոքի ակցիա. անցած շաբաթվա ամենավառ լուսանկարները

Ըստ թեմայի

Զինվորական պայթյունավտանգ մասնագիտությունը. ՊՆ մամուլի խոսնակը լուսանկարներ է հրապարակել
Ադրբեջանը կրկին կրակել է Տավուշի ուղղությամբ, բնակելի տներ են վնասվել. լուսանկարներ
Հայաստանը ծիածանների երկիր է. Ֆրանսիայի դեսպանը լուսանկարներ է հրապարակել
Հաղթանակի օրը «Հաղթանակ» այգում. հարգանքի տուրքից մինչև ավիացիոն զորահանդես. լուսանկարներ
թեգերը:
Հունաստան, Չինաստան, Վիետնամ, Ռուսաստան, ԱՄՆ, զբոսաշրջություն, Զբոսաշրջիկ, քարանձավ, Լուսանկար

Այլ ֆոտոշարքեր

Գլխավոր թեմաներ