23:43 23 սեպտեմբերի 2020
Ուղիղ եթեր
  • USD485.42
  • GBP618.13
  • EUR568.62
  • RUB6.36
Լուսանկարներ

Փրկիր Ամուլսարը. Ազգային ժողովի բակում արտասովոր ակցիա անցկացվեց

Ստանալ կարճ հղումը
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)
216 0 0
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
  • Ամուլսարի պաշտպանությանն ուղղված ակցիա Ազգային Ժողովի բակում
© Sputnik / Asatur Yesayants.
Ամուլսարի պաշտպանությանն ուղղված ակցիա Ազգային Ժողովի բակում

Փոքրիկներ, մեծահասակներ, երիտասարդներ՝ «Փրկիր Ամուլսարը» գրությամբ շապիկներով, և քաղաքացիների ու լրագրողների տեղաշարժը վերահսկող ոստիկանություն:

Ամուլսարի հանքի շահագործման հակառակորդներն այսօր անսովոր ակցիա անցկացրին ՀՀ Ազգային ժողովի բակում: Նրանք զբոսանքի էին դուրս եկել երեխաների հետ։

Sputnik Արմենիայի թղթակիցը հայտնում է, որ ակցիայի ընթացքում լրագրողների և ոստիկանության միջև միջադեպ տեղի ունեցավ։ Ոստիկանները լրատվամիջոցների ներկայացուցիչներին թույլ չտվեցին մտնել բակ, քանի որ բոլորի հավատարմագրման ժամկետը լրացել էր։

Հիշեցնենք` Ջերմուկի բնակիչները դեռևս նախորդ տարվանից պարբերաբար փակում էին Ամուլսար տանող ճանապարհները` պնդելով, որ հանքի շահագործումը մեծ վնաս կհասցնի շրջակա միջավայրին: 2018 թվականի հունիսից մի խումբ մարդիկ` «Ամուլսարի պահապանները», գիշեր-ցերեկ հերթապահում էին վագոն–տնակներում՝ փակ պահելով դեպի հանք տանող ճանապարհները։

Չնայած Ամուլսարի ցույցերին, «Լիդիանը» Սյունիքում վերաբացում է իր քիմիական լաբորատորիան

Օգոստոսի 3-ին «Լիդիան Արմենիա» ընկերությունը հանեց դեպի Ամուլսարի հանքավայր տանող ուղու վրա տեղադրված Ամուլսարի պահապանների վագոն–տնակները ու դրանց փոխարեն տեղադրեց պահնորդների համար նախատեսված վագոն-տնակները։ Ամուլսարի շահագործման դեմ բողոքները հայտարարություն տարածեցին` պահանջելով իրենց տնակները վերադարձնել նախկին տեղը՝ միաժամանակ քաղաքացիներին կոչ անելով ընտանիքներով, երեխաների հետ գնալ Ջերմուկ ու միանալ բողոքի ակցիաներին:

«Լիդիան Արմենիա» ընկերությունն իր հերթին հայտարարեց, որ սեփական տարածքից հեռացրել է ապօրինի գույքը։

Օգոստոսի 7-ին Ամուլսարի տարածքից հեռացվեցին նաև «Լիդիան Արմենիայի» տեղադրած վագոն–տնակները։

Հիշեցնենք նաև, որ ՀՀ վարչապետ Նիկոլ Փաշինյանը 2018 թ–ի սեպտեմբերի 9–ին Facebook–յան ուղիղ եթերում անդրադարձել էր Ամուլսարի հանքի շահագործման թեմային` ասելով, որ Ջերմուկի բնակիչները պետք է ապաշրջափակեն Ամուլսարի հանք տանող ճանապարհները:

2019թ–ի ապրիլին ՀՀ վարչական դատարանը պարտավորեցրել է ոստիկանությանը վերացնել ներխուժումը և հեռացնել անձանց ու նրանց գույքը ընկերությանը պատկանող տարածքից։

Ավելի վաղ լիբանանյան «Էլարդ» ընկերությունն Ամուլսարի հանքի շահագործման ընթացքում իրականացրել էր շրջակա միջավայրի ռիսկերի գնահատում: Ընկերության ներկայացուցիչները ուսումնասիրել էին դեռևս 2016 թ.-ին «Լիդիան Արմենիա» ընկերության պատրաստած` շրջակա միջավայրի վրա ազդեցության գնահատումը և հայտարարել հնարավոր ռիսկերի մասին: Միևնույն ժամանակ Հայաստանի քննչական կոմիտեի ներկայացուցիչները նշել են, որ ռիսկերը կառավարելի են: Ամուլսարի ոսկու հանքը Հայաստանի երկրորդ խոշոր հանքավայրն է: Այն ղեկավարում է «Լիդիան Արմենիա» ՓԲԸ-ն, որը միջազգային «Lydian international» ընկերության դուստր ձեռնարկությունն է:

ՎԶԵԲ-ը և այլ բաժնետերեր դադարել են մաս կազմել Ամուլսարի ծրագրին

թեմա:
Ամուլսարի հանքի շահագործումը և «Լիդիան Արմենիայի» շուրջ ստեղծված իրավիճակը (87)

Ըստ թեմայի

«Լիդիանը» մաքրման աշխատանքներ է սկսել և կոչ է անում վերականգնել օրենքը. տեսանյութ
Պայթյուններն իրականացվում են բաց եղանակով, ինչը շատ վտանգավոր է. Դանիելյանը` հանքերի մասին
Ամուլսարի շրջափակումից հետո բնակիչները զրկվել են եկամտից. նրանք դիմել են Փաշինյանին
թեգերը:
ԱԺ, Ամուլսար, Հայաստան

Այլ ֆոտոշարքեր

Գլխավոր թեմաներ