Ադրբեջանը հոկտեմբերի 5-ին կրկին հրթիռակոծել է Ստեփանակերտը։ Շատ կառույցներ, այդ թվում ՝ հինգ հարկանի բնակելի տունն ու «Արցախէներգոյի» շենքը, գրեթե ամբողջությամբ ավերվել են։ Քաղաքի շատ հատվածներում փլատակներ ու ավերակներ են։
Նշենք, որ Արցախի մայրաքաղաքը, ինչպես նաև մյուս քաղաքները, վերջին օրերի ընթացքում ակտիվ հրետանային գնդակոծության են ենթարկվում տարբեր տեսակի զենքերից, մասնավորապես, համազարկային կրակի հրթիռային համակարգերից:
Տեղացիները (զորահավաքից հետո` մեծամասամբ, կանայք և երեխաները) թաքնվում են նկուղներում և ապաստարաններում:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 6-ի ժամը 09։00-ի դրությամբ` հակառակորդի կրակոցների հետևանքով զոհվել են 244 զինծառայողներ և 19 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3454 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 126 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 379 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
