«Կույր մի եղեք». Երևանում ՄԱԿ–ի դեմ իրականացված բողոքի ակցիան լուսանկարներով

Հայաստանում ՄԱԿ–ի գրասենյակի դիմաց այսօր բազմամարդ բողոքի ակցիա էր։ Երևանի կենտրոնում տեղակայված գրասենյակի դիմաց սկզբում արցախցի կանայք ու երեխաներն էին հավաքվել։ Նրանք պահանջում էին կույր ու խուլ չձևանալ, գալ ու սեփական աչքերով տեսնել, թե թշնամին ինչպես է թիրախավորում խաղաղ բնակչությանը, որոնց թվում նաև երեխաներ կան։

ՄԱԿ–ի առջև բողոքի ակցիա անող արցախցիներին հազարավոր հայաստանցիներ միացան. լուսանկարներ

Կարճ ժամանակ անց երթով նրանց միացան հազարավոր հայաստանցիներ, որոնց թվում նաև հայտնի մարդիկ կային։ Նրանք բոլորը պահանջում էին դադարեցնել թուրք–ադրբեջանական ագրեսիան Արցախում, որպես միջազգային կառույց համապատասխան կերպով արձագանքել կատարվածին։

Հայաստանում ՄԱԿ-ի մշտական համակարգող Շոմբի Շարփի օրվա երկրորդ կեսին ընդունեց ակցիայի մի քանի մասնակցի։