Այսօր Մայր Աթոռ Սուրբ Էջմիածնում «Ամուր կանգնենք մեր եկեղեցու կողքին» խորագրով ակցիա էր ընթանում։ Սուրբ Գայանե եկեղեցու բակ բազմաթիվ հավատացյալներ էին եկել այն բանից հետո, երբ սոցցանցերում մի խումբ մարդիկ գրառումներ էին կատարել, թե այսօր պատրաստվում են ընդհատել եկեղեցու տարեվերջյան պատարագը։
Պատարագը սկսելուց առաջ եկեղեցի եկավ Ամենայն հայոց կաթողիկոս Գարեգին Երկրորդը։ Նրան ուղեկցում էին մի քանի ոստիկաններ, հոգևորականներ ու հավատացյալների մեծ բազմություն։
Բարեբախտաբար եկեղեցու բակում կամ պատարագի ժամանակ ոչ մի սադրանք տեղի չունեցավ։
Նշենք, որ սոցցանցերում եկեղեցու հասցեին մեղադրանքներ հնչցեցին այն բանից հետո, երբ Սիսիանում ՀՀ վարչապետ Նիկոլ Փաշինյանը մոտեցավ հոգևորականին և փորձեց նրան ձեռքով բարևել, սակայն հոգևորականը չպատասխանեց վարչապետին՝ նրա ձեռքը թողնելով օդում։
Երեկ Մայր աթոռի տեղեկատվական համակարգը հայտարարություն էր տարածել, որում հորդորում էր պահպանել հանգստություն ու հանդարտություն և չազդվել սադրիչ հայտարարություններից։
Եկեղեցին ազատ է իր կարծիքն արտահայտելու ի պաշտպանություն ազգային շահերի. վեհափառ
Ավելի վաղ հայտարարությամբ էր հանդես եկել ՀՀ գլխավոր դատախազությունը՝ ինչպես ակցիայի նախաձեռնողներից, այնպես էլ հնարավոր մասնակիցներից պահանջելով զերծ մնալ այնպիսի գործողություններ իրագործելուց, որոնք կարող են խաթարել հոգևոր կենտրոնի և հոգևորականների բնականոն գործունեությունը։
