Անցնող շաբաթը ևս ընդդիմությունն անցկացրեց հանրահավաքներով ու անժամկետ նստացույցով։ Իրավիճակը երկրում չփոխվեց։ Անգամ կանանց միամսյակի մեկնարկը երկրում լարվածությունը չթուլացրեց։ Երկրի նախագահին էլ չհաջողվեց մի սեղանի շուրջ նստեցնել ընդդիմությանն ու վարչապետին։ Երկրի ներքաղաքական ճգնաժամն ավելացրեցին այն լուրերը, թե սահմանազատման աշխատանքները Տավուշ էլ են հասել։ Թեպետ դրանք պաշտոնական մակարդակում հերքվեցին, բայց անհանգստությունը մնաց․․․
Այս շաբաթ կարծես թե մի նոր «հակամարտություն» էլ սկսվեց՝ կառավարություն-ՄԻՊ։ Առայժմ լարվածությունը դրսևորվում է մեկմեկու ուղղված հայտարարություններով և կառավարության հավանության արժանացած նոր նախագծով, ըստ որի՝ ՄԻՊ-ի աշխատակազմին տրամադրվող պետական ֆինանսավորումը կարող է կրճատվել։
Նստացույցը տարածվել է նաև դեպի Դեմիրճյան փողոց, որտեղ ընդդիմադիրները փակել են ԱԺ-ի այդ կողմի մուտքը։
Ընդդիմությունը մարտի 13-ին էլ պիկետ անցկացրեց արտգործնախարարության շենքի մոտ, որտեղ պետք է ժամաներ վարչապետ Փաշինյանը ու որի տանիքին մինչ այդ դիպուկահարներ էին տեղակայվել։
Բողոքի ակցիա անցկացվեց նաև նախագահի նստավայրի մոտ։
Այս ու այլ իրադարձությունները՝ Sputnik Արմենիայի ֆոտոշարքում։
