Ամեն տարի World Nature Photography Awards մրցույթին փառաբանում են աշխարհի լավագույն նատուրալիստ-լուսանկարիչներին, միաժամանակ հարգանքի տուրք մատուցելով բնության գեղեցկությանը։ 2021 թվականին մրցույթի կազմակերպիչները ծրագրում են յուրաքանչյուր մասնակցի համար մեկական ծառ տնկել։
Մրցույթը բաղկացած է 13 անվանակարգերից՝ բնապատկեր, կենդանիներ, ֆոտոլրագրություն, մարդու ու բնության փոխազդեցություն և այլն։
Ինչպես նշում են կազմակերպիչները, անցած 2020 թվականը շատերի համար ծանր տարի էր, սակայն ոչինչ չէր կարող խանգարել մարդուն հիանալու շրջակա աշխարհի ու բնության գեղեցկությամբ։
Երևակայությունը ցնցող լուսանկարչական գլուխգործոցները դիտեք մեր ընտրանիում։
Կանադացի լուսանկարիչ Թոմաս Վիջայանի «Գլխիվայր աշխարհ» (The World Is Going Upside Down) լուսանկարը։ Գրավել է առաջին տեղը «Կենդանիներն իրենց միջավայրում» անվանակարգում ու ճանաչվել է World Nature Photography Awards 2020 մրցանակաբաշխության լավագույն լուսանկարը։
Իտալացի լուսանկարիչ Ալեսանդրո Գրուցայի «Սառույցի ոգին» (Spirit of the ice) լուսանկարը։ Գրավել է առաջին տեղը «Երկիր մոլորակի լանդշաֆտները և շրջակա միջավայրը» անվանակարգում։
Ամերիկացի լուսանկարիչ Լոուրենս Ուորսըսթերի «Թել քաշողը» (Pulling a thread) լուսանկարը։ Գրավել է առաջին տեղը «Վայրի բնությունը քաղաքում» անվանակարգում։
Բրիտանացի լուսանկարիչ Նիկ Դեյլի «Բենգալյան վագրը ջրափոսում» (Bengal tiger with catchlight in water hole) լուսանկարը։ Գրավել է առաջին տեղը «Կենդանիների դիմանկարներ» անվանակարգում։
Հույն լուսանկարիչ Պավլոս Էվանգելիդիսի «Իրական ջոկեր» (The real joker) լուսանկարը։ Գրավել է երրորդ տեղը «Բնական արվեստ» անվանակարգում։
Ամերիկացի լուսանկարիչ Պատրիկ Նովոտնիի «Առյուծները» (Lions) լուսանկարը։ Գրավել է առաջին տեղը «Վարքագիծ - Կաթնասուններ» անվանակարգում։
Սինգապուրցի լուսանկարիչ Դր Ձե Սիոնգ Թանի «Ճանճերը» (Damselflies) լուսանկարը։ Գրավել է առաջին տեղը «Վարքագիծ - Անողնաշարավորներ» անվանակարգում։
Ամերիկացի լուսանկարիչ Քրիստա Ֆանկի «Անդրե Ֆաջարդոյի ջրասուզումը ամառային վաղ առավոտյան» (Andre Fajardo freediving early one summer morning) լուսանկարը։ Գրավել է առաջին տեղը «Մարդն ու բնությունը» անվանակարգում։
Ամերիկացի լուսանկարիչ Քրիստա Ֆանկի «Ուլիսես, վերջին մեծ ժանիքավորներից մեկը» (Ulysses, one of the last remaining great tuskers) լուսանկարը։ Գրավել է առաջին տեղը «Սև ու սպիտակ» անվանակարգում։
Կանադացի լուսանկարիչ Դեյլ Փոլի «Վիրջինյան բվեճ» (Great horned owl) լուսանկարը։ Գրավել է առաջին տեղը «Թռչուններ» անվանակարգում։
Հնդիկ լուսանկարիչ Դիթանյան Պալի «Սառցե երակներ» (Glacial veins) լուսանկարը։ Գրավել է առաջին տեղը «Բնական արվեստ» անվանակարգում։
Բելգիացի լուսանկարիչ Գանթեր Դե Բրույնեյի «21-րդ դարի ռնգեղջյուրների պաշտպանությունը» (21st century rhino conservation) լուսանկարը։ Գրավել է առաջին տեղը «Բնական ֆոտոլրագրություն» անվանակարգում։
Իսպանացի լուսանկարիչ Ադրիանա Ռիվասի «Կախված կոատին» (Addicted coati) լուսանկարը։ Գրավել է երրորդ տեղը «Վայրի բնությունը քաղաքում» անվանակարգում։
Իտալացի լուսանկարիչ Վիտորիո Ռիչիի «Համբույրը» (The kiss) լուսանկարը։ Գրավել է առաջին տեղը «Վարքագիծ - երկկենցաղներ և սողուններ» անվանակարգում։
Չեխ լուսանկարիչ Վլադիմիր Չեխի «Աղվեսը» (Fox) լուսանկարը։ Գրավել է երկրորդ տեղը «Կենդանիներն իրենց միջավայրում» անվանակարգում։
