05:33 19 մայիսի 2021
Ուղիղ եթեր
  • USD521.55
  • GBP740.81
  • EUR637.23
  • RUB7.08
Լուսանկարներ

Մելնիկովն արցախյան պատերազմի հուզիչ լուսանկարների համար «ոսկի» է նվաճել մրցույթում

Ստանալ կարճ հղումը
190 0 0
  • Ուխտասարի բնակիչ Անուշավանն իր տան բակում
  • Մարտունի, ռմբակոծությունից հետո մնացած հրթիռի հատված
  • Բերձորում բնակվող ընտանիքը լքում է տունը
  • Բերձորի բնակիչները լքում են քաղաքը
  • Բերձորի բնակիչները հանում են նախնիների աճյունները Հայաստանում վերահուղարկավորելու համար
  • 69–ամյա Հասմիկ Աբովյանն իր տան դռների արանքում
  • Թաղավարտի բնակիչները
  • Քարեգահի բնակիչ Արեգն իր այրվող տան բակում
  • Բերձորի բնակիչ Հակոբ Տերսյանը նայում է պատուհանից
  • Քարվաճառը լքող բնակիչներն այրում են իրենց տները
© Sputnik / Валерий Мельников
Ուխտասարի բնակիչ Անուշավանն իր տան բակում

Աշխարհի առաջատար «World Press Photo» լուսանկարչական մրցանակաբաշխություն «Գլխավոր նորություններ/պատմություններ» (General News/Stories) անվանակարգում հաղթել է ՌԻԱ Նովոստիի հատուկ ֆոտոթղթակից Վալերի Մելնիկովի շարքը:

Մելնիկովն իր «Կորսված դրախտ» (Paradise Lost) լուսանկարչական պատմությունը նկարել է Լեռնային Ղարաբաղում 2020 թվականի սեպտեմբեր-նոյեմբերին տեղի ունեցած զինված հակամարտության ընթացքում:

Մելնիկովի հաղթանակի մասին հայտնում է մրցանակաբաշխության կայքը։ «World Press Photo»-ի չորս բարձրագույն պարգևների դափնեկիրների անունները կհայտարարվեն առցանց հեռարձակման ընթացքում, որը կմեկնարկի ապրիլի 15-ին, ժամը 17:00-ին Մոսկվայում:

Բարձրագույն պարգևներ կհանձնեն հետևյալ անվանակարգերում` «Տարվա ֆոտոպատմություն» (the World Press Photo of the Year) և «Տարվա լուսանկար» (the World Press Photo of the Year), որոնցում ներկայացվել է նաև Մելնիկովի շարքը, «Տարվա ինտերակտիվ» (the World Press Photo Interactive of the Year), «Տարվա առցանց տեսագրություն» (the World Press Photo Online Video of the Year)։

«World Press Photo-2021» մրցանակի ռուս հաղթողների թվում են նաև Ալեքսեյ Վասիլևը, որն առաջին տեղն է գրավել «Արդիականության հիմնախնդիրները» (Contemporary Issues) անվանակարգում, Օլեգ Պոնոմարյովն ու Տատյանա Նիկիտինան` «Միայնակ դիմանկարներ» (Portraits – Singles) անվանակարգում (առաջին ու երրորդ տեղեր), ինչպես նաև Ալիսա Մարտինովան` «Դիմանկարներ» (Portraits–Stories) անվանակարգում (2–րդ տեղ):

«Մայրը կրկնում էր` ինչո՞ւ հենց դու». բրազիլացի ռազմական թղթակիցը պատմում է Արցախի մասին

Վալերի Մելնիկովն արդեն երրորդ անգամ է «World Press Photo»-ի մրցանակակիր դառնում։ 2017թ․-ին նրա «Ուկրաինայի սև օրերը» ֆոտոշարքը՝ Դոնբասում ողբերգական իրադարձությունների մասին (2014թ․-ի ամռանը), «ոսկի» էր շահել «Երկարաժամկետ նախագծեր» (Long Term Projects) անվանակարգում։ Ուկրաինական հակամարտության մասին նրա վավերագրական եռագրության երկրորդ մասը՝ «Ընդհատակում» (Underground), որը պատմում է Դոնբասի խաղաղ բնակիչների (հեղինակի բնորոշմամբ՝ «պատերազմի ստվերում ապրող մարդկանց») մասին, միավորել էր լուսանկարներ, տեսանյութեր և ձայնագրություններ և 2018թ․-ին «արծաթ» էր շահել «Թվային պատմություն/կարճ ձևաչափ» (Digital Storytelling/Short Form) անվանակարգում։

«World Press Photo»-ն ֆոտոլրագրության ոլորտի ամենահեղինակավոր մրցանակն է, որը լուսանկարչության աշխարհում համեմատում են «Օսկարի» հետ։ 2021թ․-ի մրցույթին ներկայացվել է 4315 լուսանկարչի 74 470 լուսանկար՝ 130 երկրից։

Վալերի Մելնիկովը ժամանակակից Ռուսաստանի ամենաշատ մրցանակներ ստացած ֆոտոլրագրողներից մեկն է, որը նկարահանում է ամենատարբեր ժանրերում։ Նրա ֆոտոաշխատանքները եղել են մի շարք միջազգային և ռուսական լուսանկարչական մրցույթների short-list-ներում և բազմաթիվ մրցանակներ շահել։

թեգերը:
Վալերի Մելնիկով, Լուսանկար, Պատերազմ, Արցախ

Այլ ֆոտոշարքեր

Գլխավոր թեմաներ