12:32 21 հունվարի 2017
Ուղիղ եթեր
Панорама Москвы

ԵՏՄ–ի երկրների երիտասարդ առաջնորդները Մոսկվայում կքննարկեն ինտեգրման հեռանկարները

© Sputnik/ Валерий Шустов
Քաղաքականություն
Ստանալ կարճ հղումը
4 0 0

Համաժողովը տեղի կունենա հինգշաբթի Ռուսաստանի Պետդումայում։ Քննարկվող հարցերի ցուցակում ընդգրկված են նաև միգրացիոն օրենսդրությունը և երկրում ու ԵՏՄ երկրների տարածքում անվտանգության խնդիրները։

ԵՐԵՎԱՆ, հուլիսի 2 – Sputnik. ՌԴ Պետդումայում հինգշաբթի տեղի ունենալիք ԵՏՄ երիտասարդ առաջնորդների առաջին համաժողովի մասնակիցները կքննարկեն եվրասիական ինտեգրման հեռանկարները, միգրացիոն օրենսդրության, աշխարհում անվտանգության և այլ հարցեր, լրագրողներին հայտնեց Պետդումայի աշխատակազմի ղեկավարի տեղակալ, հասարակայնության հետ կապերի և ԶԼՄ–ների հետ փոխգործակցության վարչության ղեկավար Յուրի Շուվալովը

Համաժողովը կբացի Պետդումայի խոսնակ Սերգեյ Նարիշկինը, հայտնում է «ՌԻԱ Նովոստին»։

«Քննարկումները, որոնք կանցնեն այս համաժողովում, կլինեն ԵՏՄ տարածքի ինտեգրացիոն գործընթացների հաջորդ քայլը», – ասել է Շուվալովը։

Նրա խոսքերով` համաժողովի ընթացքում նախատեսվում է քննարկել աշխարհում անվտանգության հարցերն ընդհանրապես և ԵՏՄ պետությունների տարածքում մասնավորապես։ Ինչպես նաև կքննարկեն միգրացիոն օրենսդրության կատարելագործման, կրթության ոլորտում օրենսդրության միասնականացման և ներդաշնակեման հարցերը։

Պետդումայի պատգամավորների հրավերով համաժողով կայցելեն Ղազախստանի, Ղրղըզստանի, Բելառուսի և Հայաստանի խորհրդարանի պատգամավորներ։

Համաժողովի անցկացումը զգալիորեն կընդլայնի միջխորհրդարանական  երկխոսության հնարավորությունները և ԵՏՄ երկրների միջև միջխորհրդարանական դիվանագիտությունը, նշել է Շուվալովը։

Համաժողովը միտված է ժողովրդականացնել եվրասիական ինտեգրացիան  երիտասարդների շրջանում և պայմաններ ստեղծել մասնակիցների մասնագիտական աճի համար` ուղղված ԵՏՄ տարածքում միջկառավարական համագործակցության գործնական ներդրման ամրապնդմանն ու ընդլայնմանը։

Շուվալովը հիշեցրել է, որ Սանկտ Պետերբուրգում կանոնավոր կերպով աշխատում է «Եվրասիական հեռանկար» համաժողովը, որտեղ ԵՏՄ գործընկեր պետությունները բազմիցս խոսել են միության մասնակից երկրների համագործակցության ձևաչափի  ընդլայնման անհրաժեշտության մասին։

ԵՏՄ–ն միջազգային ինտեգրացիոն տնտեսական միություն է, որը ստեղծվել է Մաքսային միության և Տնտեսական միասնական տարածքի հիմքի վրա և գործում է այս տարվա հունվարի 1-ից։ Ներկա պահին ԵՏՄ անդամներ են Ռուսաստանը, Հայաստանը, Ղազախստանն ու Բելառուսը, շուտով կազմակերպությանը կմիանա նաև Ղրղըզստանը։--0--

Գլխավոր թեմաներ