17:57 20 հունվարի 2017
Ուղիղ եթեր
Рабочая встреча высших должностных лиц ШОС, СНГ, ЕЭС и ОДКБ

Պուտին. ՀԱՊԿ գագաթնաժողովը կանցնի Տաջիկստանում սեպտեմբերի 15-ին

© Sputnik/ Виталий Белоусов
Քաղաքականություն
Ստանալ կարճ հղումը
2 0 0

Ներկա պահին Տաջիկստանը հանդես է գալիս որպես ՀԱՊԿ նախագահ։ Տաջիկստանում մայիսին անցել են ՀԱՊԿ ԱԱՀՈՒ–ի մարտական պատրաստվածություն ստուգումները

ԵՐԵՎԱՆ, հուլիսի 8–Sputnik. Ռուսաստանի նախագահ Վլադիմիր Պուտինը հայտարարել է, որ ակտիվ նախապատրաստական աշխատանքներ են տարվում Հավաքական անվտանգության պայմանագրի կազմակերպության գագաթնաժողովի համար, որը կանցնի Տաջիկստանում սեպտեմբերի 15-ին, հայտնում է ՌԻԱ Նովոստին։

«Մենք գնահատում ենք Տաջիկստանի բավականին լավ և որակյալ աշխատանքը որպես ՀԱՊԿ–ի նախագահ… հաջողությամբ անցկացվել են մարտական վարժանքները, և այժմ պատրաստվում ենք Տաջիկստանում սեպտեմբերի 15-ին կայանալիք ՀԱՊԿ գագաթնաժողովին», – ասել է Պուտինը Տաջիկստանի նախագահի հետ հանդիպման ժամանակ։

Մայիսին Տաջիկստանում անցկացվել են ՀԱՊԿ ԱԱՀՈՒ–ի մարտական պատրաստվածություն ստուգումները, որոնց ընթացքում մշակվում էին իրավիճակի զարգացման բացասական սցենարները Աֆղանստանում։

Պուտինն ավելացրել է, որ Ռուսաստանի և Տաջիկստանի հարաբերությունները զարգանում են, և անկախ տնտեսական դժվարություններից, 2014 թվականին ապրանքաշրջանառությունը կազմել է ավելի քան 21 տոկոս։ «Սա բավականին լավ նշան է։ Այս տարվա սկզբին մի փոքր ճշգրտումներ են սպասվում, սակայն ընդհանուր առմամբ միտումը բավականին հուսադրող է», – ասել է Ռուսաստանի նախագահը։

Տաջիկստանի նախագահ` Էմոմալի Ռախմոնն իր հերթին ասել է, որ մտադիր է քննարկել երկկողմ համաձայնագրերի իրականացումը։ «Տաջիկստանն ու Ռուսաստանը ռազմավարական գործընկերներ են, և այդ իսկ պատճառով քննարկելու շատ բան ունեն։ Մեզ համար ներկա պահին Ռուսաստանի և Տաջիկստանի միջև հարաբերությունների զարգացումը առաջնային և գերակա խնդիր է… Մեր հանդիպման ընթացքում կցանկանայի քննարկել ավելի վաղ ստորագրած համաձայնագրերի իրականացման հարցերը», – ասել է Ռախմոնը։

ՀԱՊԿ–ը ստեղծվել է 1992 թվականի Հավաքական անվտանգության պայմանագրի կազմակերպության (ՀԱՊԿ) հիման վրա։ ՀԱՊԿ–ին անդամակցում են  Ռուսաստանը, Հայաստանը, Բելառուսը, Ղազախստանը, Ղրղըզստանը և Տաջիկստանը։

ՀԱՊԿ–ի Արագ արձագանքման հավաքական ուժերի (ԱԱՀՈՒ) վարժանքներն անցել էին մայիսի կեսերին Տաջիկստանում։ Միջոցառմանը մասնակցել էին Հայաստանի, Բելառուսի, Ղազախստանի, Ղրղըզստանի, Ռուսաստանի և Տաջիկստանի համակազմերը։ Մշակվել էին Աֆղանստանի գրոհայինների հարձակումների պատասխան հարվածները։ Հարբմայդորն հրաձգարանում կենտրոնացել էին ավելի քան 2.5 հազար զինծառայող, սպառազինության և ռազմական տեխնիկայի 200 միավոր (ներառյալ ԶՄ և ԴԶՄ), շուրջ 20 ռազմական ինքնաթիռներ և ուղղաթիռներ և ռազմատրանսպորտային ավիացիայի 30 միավոր։

Գլխավոր թեմաներ