12:32 21 հունվարի 2017
Ուղիղ եթեր
Греческий флаг на смотровой площадке Акрополя

Փորձագետ. Եվրագոտուց Հունաստանի հնարավոր դուրս գալը մեծ ռիսկեր չի կրում

© Sputnik/ Владимир Родионов
Քաղաքականություն
Ստանալ կարճ հղումը
1 0 0

Ինչպես կարծում է Հայաստանի Գործատուների հանրապետական միության ղեկավար Գագիկ Մակարյանը, եթե Հունաստանը դուրս գա եվրոյի գոտուց, Եվրոպայից այդքան շատ պաշարներ և ժամանակ չեն պահանջվի վերականգնվելու համար

ԵՐԵՎԱՆ, հուլիսի 9–Sputnik. Եվրագոտուց Հունաստանի դուրս գալու դեպքում հնարավոր է որոշակի, բայց աննշան անկում, սակայն Եվրոպան կարող է բավական արագ վերականգնվել, կանխատեսում է Հայաստանի Գործատուների հանրապետական միության նախագահ Գագիկ Մակարյանը։

Նրա խոսքով` Եվրոպան հսկայական միջոցներ է ծախսել հունական տնտեսությունը փրկելու վրա, սակայն եվրագոտուց Հունաստանի դուրս գալու դեպքում նրան ավելի քիչ պաշարներ պետք կգան վերականգնման համար։

«Ես կողմ եմ, որպեսզի Եվրամիությունը զրկի Հունաստանին անդամակցությունից, քանի որ հույն ժողովուրդը` սկսած 90–ականներից, ապրել և ապրում է ԵՄ պաշարների հաշվին»,– նշեց Մակարյանը հինգշաբթի մամուլի ասուլիսում։

Ինչպես կարծում է փորձագետը, Հունաստանը փաստացի ոչինչ չի արել ճգնաժամից դուրս գալու համար, և հիմա այդ երկրի կառավարությունը փորձում է առկա խնդիրները բարդել սեփական ժողովրդի վզին։

«Կոպիտ ասած` Հունաստանի կառավարությունը հիմա հուսախաբ է անում իր գործընկերներին և չի ցանկանում վճարել բազմամիլիարդանոց պարտքը։ Եվրոպան հասկացել է, որ Հունաստանն իր հետ խաղ է խաղում, ընդ որում փորձում է այս մթնոլորտում շանտաժի ենթարկել Բրյուսելին։ Հիմնականում, այս ողջ ընթացքում Հունաստանը մնացել է ԵՄ կազմում Գերմանիայի շնորհիվ, քանի որ նրան ժամանակ է անհրաժեշտ միության ամբողջականությունը պահպանելու համար»,– ասաց նա։

Նրա խոսքով` սեփական տնտեսությունը թույլ չի տալիս Հունաստանին կայուն գործել եվրագոտուց դուրս և եվրոյի գոտուց դուրս գալու դեպքում ժողովուրդը «արագ կգիտակցի, թե ինչից է զրկվել»։

Գլխավոր թեմաներ