21:24 27 հունիսի 2017
Ուղիղ եթեր
Давид Санасарян

«Ոտքի՛, Հայաստան» շարժումը հանրահավաք կանցկացնի Ազատության հրապարակում հուլիսի 17–ին

© Sputnik/ Асатур Есаянц
Քաղաքականություն
Ստանալ կարճ հղումը
24 0 0

«Ոտքի՛, Հայաստան» շարժումը «Ո՛չ թալանին» նախաձեռնության այլընտրանքն է, որը կանգնած էր բողոքի բազմօրյա ակցիայի ակունքներում:

ԵՐԵՎԱՆ, հուլիսի 16– Sputnik. «Ոտքի՛, Հայաստան» շարժման խորհուրդը մտադիր է ուրբաթ` հուլիսի 17–ին, հանրահավաք կազմակերպել Երևանի Ազատության հրապարակում, հաղորդվում է  շարժման Facebook սոցիալական ցանցի էջում։

«Ոտքի՛, Հայաստան» շարժումը «Ո՛չ թալանին» նախաձեռնության այլընտրանքն է, որը կանգնած էր Հայաստանում էլեկտրաէներգիայի թանկացման դեմ բողոքի բազմօրյա ակցիայի ակունքներում։

«Բաղրամյան պողոտայում հանրային քննարկումների արդյունքում էլետկտրաէներգիայի թանկացման դեմ քաղաքացիական շարժումը համակարգելու նպատակով մշակվեց որոշումներ ընդունելու մեխանիզմ: Քննարկումների մասնակիցների կազմից ձևավորվեց «Ոտքի՛, Հայաստան» շարժման խորհուրդը։. Հուլիսի 17-ին Ազատության հրապարակում քննարկման և հաստատման համար խորհուրդը քաղաքացիների դատին կներկայացնի իր անդամների կազմը, կանոնադրությունը և գործողությունների ծրագիրը»,– նշվում է հաղորդագրությունում։

Հանրահավաքը սկսվելու է ուրբաթ` ժամը 19։00–ին։

ՀԾԿՀ–ն հունիսի 17–ին որոշում ընդունեց էլեկտրաէներգիայի սակագնի բարձրացման մասին։ Ըստ որոշման` օգոստոսի 1–ից սակագինը 1 կՎտ/ժ–ի դիմաց կբարձրանա 6,93 դրամով (մոտ 16,7 տոկոսով)։ Ընդ որում` ՀԷՑ–ն իր հայտում առաջարկում էր սակագինը բարձրացնել 40,8 տոկոսով։ Դա Երևանում բողոքի ակցիայի պատճառ է դարձել, որը սկսվել է Երևանում հունիսի 19–ից և հունիսի 22–ի երեկոյան վերածվել է երթի դեպի նախագահի նստավայր Բաղրամյանի պողոտայում։

Հունիսի 23–ի լույս գիշերը ոստիկանները հատուկ տեխնիկայի կիրառմամբ ցրել են ցուցարարներին։ Գրեթե 240 մարդ, այդ թվում` լրագրողներ, բերման են ենթարկվել ոստիկանության բաժիններ, 25 մարդ դիմել է բուժօգնության։

Ակցիան վերսկսվել է նույն օրվա երեկոյան, ցույցերը բացառապես խաղաղ բնույթ են կրում։ Ակտիվիստները պահանջում են չեղյալ հայտարարել էլեկտրաէներգիայի թանկացման մասին կարգավորիչի և խաղաղ ակցիայի ցրման ժամանակ լիազորությունների չարաշահման մեղավորներին պատժելու որոշումը։

ՀՀ ոստիկանությունը հուլիսի 6–ին բացել է Բաղրամյան պողոտան, որը ցուցարարները փակել էին հունիսի 22–ից։ Ոստիկանները, չկիրառելով ֆիզիկական ուժ, տեղափոխել էին ցուցարարներին պողոտայից, ինչից հետո տրանսպորտի երթևեկությունը վերականգնվել էր։ 46 մարդ տեղափոխվել էր ոստիկանական բաժանմունք, սակայն շուտով նրանց բոլորին ազատ էին արձակել։

Բողոքի ակցիայի ամենաթեժ պահին հայկական իշխանություններն առաջարկեցին ՀԷՑ–ում աուդիտ անցկացնել, իսկ աուդիտի անցկացման ժամանակ բարձրացված սակագները կսուբսիդավորվեն։

Գլխավոր թեմաներ