02:34 29 հունիսի 2017
Ուղիղ եթեր
Иран

Քաղաքագետ. Դեպի Եվրոպա Իրանի ճանապարհը կլինի բարդ և երկար

© Sputnik/
Քաղաքականություն
Ստանալ կարճ հղումը
358 0 0

Քաղաքագետ Լևոն Շիրինյանի խոսքերով` Իրանի և Եվրոպայի միջև կապերի վերականգնումը բարդ և երկարատև գործընթաց է։

ԵՐԵՎԱՆ, 18 հուլիսի– Sputnik.  Իրանի միջուկային խնդրի (ԻՄԽ) վերաբերյալ համաձայնագրի ձեռք բերումը արմատապես կփոխի ռազմավարական իրավիճակը տարածաշրջանում, այդ թվում` տնտեսական, քաղաքական և մշակութային կապերը, շաբաթ օրը մամուլի ասուլիսում հայտնել է քաղաքագետ Լևոն Շիրինյանը։

Նախորդ երեքշաբթի Վիեննայում հաջողությամբ ավարտվել են Իրանի միջուկային խնդրի վերաբերյալ բարդագույն բանակցությունները։ Ընդունվել է  գործողությունների ծրագիր, որի հաջորդաբար կատարումը Իրանից ամբողջապես կհանի ՄԱԿ–ի անվտանգության խորհրդի, ԱՄՆ–ի և ԵՄ–ի տնտեսական և ֆինանսական պատժամիջողները։ Միջազգային միջնորդների «վեցնյակի» և Իրանի միջև բանակցությունները սկսել են ավելի քան տասը տարի առաջ։

«Իրանի համար սա Եվրոպա տանող ճանապարհ է, սակայն այս գործընթացը քաղաքական տեսանկյունից կլինի շատ բարդ և երկարատև, Իրանի դիվանագետների հետ բանակցությունները միշտ բարդ են անցնում», – ասել է Շիրինյանը։

Քաղաքագետն ընդգծել է, որ ԱՄՆ–ն պահպանել է Թեհրանի նկատմամբ պատժամիջոցների կիրառման իր իրավունքը։

«Բացի այդ, Ռուսաստանում կուտակվել են մի շարք սեփական խնդիրներ, Հայաստանում` նույնպես։ Կարծում եմ, հարկ չկա սպասել արագ և էական փոփոխությունների», – կարծում է Շիրինյանը։

Քաղաքագետը խորհուրդ է տվել հայկական կողմին շատ չոգևորվել, քանի որ Իրանի հարցում դեռ շատ անորոշություններ կան, պետք է շարունակական պայքարի պատրաստ լինել, քանի որ դա միակ ճանապարհն է դրական արդյունքների հասնելու համար։

Իր հերթին իրանցի փորձագետ Պույա Հոսեյնին ընդգծել է, որ ԻՄԽ համաձայնագիրը համաշխարհային նշանակության կարևորագույն իրադարձություն է դարձել, ինչպես քաղաքական, այնպես էլ տնտեսական առումով։

«Սա, անկասկած, զգալի ազդեցություն կունենա նաև Հայաստանի` Իրանի համար տարածաշրջանում բարեկամական երկրի, տնտեսության վրա», – ավելացրել է նա։

Հոսեյնիի խոսքերով` Հայաստանը կարող է դառնալ կամուրջ Իրանի և Եվրոպայի միջև, մասնավորապես, «հյուսիս–հարավ» ավտոճանապարհի և Իրան–Հայաստան երկաթգծի կառուցումը մեծ դեր կունենա երկու երկրների տնտեսությունների զարգացման համար` կապելով ԻԻՀ–ն Եվրոպայի և ԵՏՄ երկրների հետ։

Գլխավոր թեմաներ

  • Հայ-թուրքական սահման

    Ի՞նչ է թուրքական պատը. աշխարհի ամենամեծ սահմանամերձ ամրաշինական կառո՞ւյցը, որը կոչված է պաշտպանելու երկրի տարածքը հարևանների ոտնձգություններից, թե՞ Անկարայի հերթական ձեռնարկը, որին ուղղակի չհաջողվեց Արևմուտքից գումար կորզել սահմանները Սիրիայից Թուրքիա եկող ահաբեկչական ջոկատներից պաշտպանելու համար։

    13
  • Երևանի կենդանաբանական այգուց փախած Վովա փղի վախճանը

    47 տարի առաջ հունիսի 28-ին Երևանում անսովոր իրարանցում էր։ Երևանյան կենդնաբանական այգուց փախել էր Վովա փիղը։ Երևանցիները շտապում էին Մյասնիկյան պողոտա` ականատես լինելու արտառոց դեպքին:

    26
  • Մարթեն Յորգանց

    Հայտնի երգահան և երգիչ Մարթեն Յորգանցը հինգ տարի դադարից հետո կրկին պատմական հայրենիքում է։ Այս անգամ նա լավ լուր ունի. շուտով Հայաստանի քաղաքացի կդառնա։

    45