09:27 28 հունիսի 2017
Ուղիղ եթեր
Мовсес Демирчян

Դեմիրճյան. Եվրոպան ընդունել է զարգացման հեռանկար ընտրելու Հայաստանի իրավունքը

© Личная страница в Фейсбуке
Քաղաքականություն
Ստանալ կարճ հղումը
11 0 0

Մովսես Դեմիրճյանը նկատում է, որ Եվրամիություն-Հայաստան հարաբերությունները չեն սահմանափակվելու միայն տնտեսականով։

 

ԵՐԵՎԱՆ, 21 հուլիսի–Sputnik. Եվրոպական խորհրդի նախագահն, ըստ էության, ասել է այն, ինչ ժամանակին ասում էին Հայաստանի բարձրագույն իշխանությունները, ինչը նշանակում է, որ Եվրոպան ընդունում է Հայաստանի՝ զարգացման հեռանկար ընտրելու իրավունքը, «Sputnik-Արմենիա» ռադիոկայանի հետ զրույցում նման տեսակետ հայտնեց քաղաքական վերլուծաբան Մովսես Դեմիրճյանը՝ մեկնաբանելով Դոնալդ Տուսկի՝ Երևանում արած հայտարարությունները:

Երկուշաբթի ՀՀ նախագահ Սերժ Սարգսյանի հետ ճեպազրույցում Եվրոպայի խորհրդի ղեկավար Դոնալդ Տուսկը նշել էր մասնավորապես, որ Եվրոպական միությունը պատրաստ է համագործակցել ԵՄի հետ` հարգելով Հայաստանի` ԵՏՄին անդամակցումը, և որ առանց վիզայի ռեժիմի հաստատումը Հայաստանի հետ վիզայի ոլորտում ԵՄ քաղաքականության վերջնական նպատակն է։

«Եվրոպայում ընդունել են, որ ԵՏՄ-ին անդամակցելը Հայաստանի ընտրությունն է, և պետք է առաջնորդվել ոչ թե «կամ, կամ»-ի, այլ  «և, և»-ի սկզբունքով, ինչի մասին Հայաստանի իշխանությունները խոսում էին ամիսներ առաջ: Այսօր դա նաև ընդունում և բարձրաձայնում է եվրոպական խոշոր կազմակերպության բարձրագույն ղեկավարությունը»-նկատել է նա:

Բացի դրանից, ըստ փորձագետի, եվրոպացիները հասկանում են, որ աշխարհում տեղի ունեցող գլոբալացումը չի ընթանում միայն եվրոպականացման շրջանակում, այլ կան բազում ձևաչափեր, այդ թվում՝ ԵՏՄ-ն:

Դոնալդ Տուսկն արձանագրել է, որ Եվրամիության և Հայաստանի միջև ժամանակին ձեռք բերված պայմանավորվածությունները մնում են ուժի մեջ՝ փոքր-ինչ խմբագրումներով և փոփոխություններով: Թե ինչ փոփոխություններ են արվել, պարզ կլինի, երբ ներկայացվի համաձայնագրի նոր տարբերակը, սակայն ինչպես նկատում է Դեմիրճյանը, ակնհայտ է կողմերի պատրաստակամությունը՝ գործակցությունը շարունակելու հարցում:

«Տուսկը հատուկ նշեց, որ Եվրամություն-Հայաստան հարաբերությունները զարգանալու են բոլոր ոլորտներում, թեպետ նա մեկ այլ տեղ ասում է, որ խոսքն առավելապես տնտեսական գործակցության մասին է, բայց նաև չմոռացավ նշել «հետաքրքրության բոլոր ոլորտներ» արտահայտությունը, ինչը նշանակում է, որ Եվրամիություն-Հայաստան հարաբերությունները չեն սահմանափակվելու միայն տնտեսականով»,-եվրոպացի բարձրաստիճան պաշտոնյայի խոսքերն է մեկնաբանել փորձագետը:

 

Գլխավոր թեմաներ