13:18 24 հունվարի 2017
Ուղիղ եթեր
Арцах, НКР

Դեմիրճյան. Հայաստանը շեշտադրում է ղարաբաղյան խնդրի քաղաքական, Ադրբեջանը` ռազմական լուծումը

© Weltrekordreise
Քաղաքականություն
Ստանալ կարճ հղումը
9 0 0

Հայաստանի նախագահը Հայաստան- Ադրբեջան-Եվրամություն ձևաչափի մեջ նոր երանգ է մտցնում:

ԵՐԵՎԱՆ, 21 հուլիսի–Sputnik. Հայաստանի նախագահը Հայաստան- Ադրբեջան-Եվրամություն ձևաչափի մեջ նոր երանգ է մտցնում, «Sputnik-Արմենիա» ռադիոկայանի հետ զրույցում նման տեսակետ հայտնեց քաղաքական վերլուծաբան Մովսես Դեմիրճյանը՝ մեկնաբանելով Հայաստանի նախագահ Սերժ Սարգսյանի խոսքերը։

Երկուշաբթի Հայաստանի նախագահ Սերժ Սարգսյանը համատեղ մամուլի ասուլիսում կոչ արեց Եվրոպայի խորհրդի ղեկավար Դոնալդ Տուսկին` հավասարության նշան չդնել Հայաստանի և Ադրբեջանի միջև կամ այդ երկու երկրների նկատմամբ կիրառել տարբեր մոտեցումներ։

Քաղաքական վերլուծաբանը նկատում է, որ ՀՀ նախագահի ելույթի սուր շեշտադրումների և այդ համատեքստում Տուսկի արձագանքի մասին ճիշտ կլինի խոսել Տուսկի՝ Բաքվի ելույթից հետո:

«Բայց ցանկանում եմ արձանագրել, որ նախագահը շատ կարևոր բան է ասում և Հայաստան- Ադրբեջան-Եվրամություն ձևաչափի մեջ նոր երանգ է մտցնում: Այսինքն, եթե մինչ այդ Հայաստանը և Ադրբեջանը դիտվում էին որպես կոնֆլիկտի հավասար կողմեր, ովքեր մասնակցում են նույն սկզբունքով, ապա նախագահը, ըստ էության, ասում է, որ Ադրբեջանն իր մասնակցությունը ներկայացնում է ռազմական և ռազմատենչ ձևով,  իսկ Հայաստանը շեշտում է խաղաղ կարգավորման մոդելը: Կարծում եմ` վերջին ամիսների փորձն այդ հարցում արդեն ապացուցել է, որ երկու երկրների միջև հավասարության նշան դնել իրականում չի կարելի»,-նկատել է բանախոսը:

Դեմիրճյանի համոզմամբ` եթե այս մոտեցումն ընդունվի, ապա արցախյան հակամարտության մասին կսկսեն խոսել արդեն այլ բառապաշարով, «ինչը պետք է որ Հայաստանին որոշակի դիվիդենտներ բերի»:

Նա նշում է, որ արցախյան հակամարտությունն արդեն բաժանվել է ռազմական, քաղաքական, տարածաշրջանային մասերի: Ռազմական մասը մնացել է Արցախ-Ադրբեջան սահմանին, քաղաքական մասը՝ «եվրոպաներում» է: 

«Քաղաքական մասը  փորձում են «սեփականաշնորհել» թե՛ եվրոպացիները, թե՛ ռուսները: Հայաստանի նախագահը, ըստ էության, արձանագրում է, որ պետք  չէ մի հարթության վրա դիտարկել այդ կոնֆլիկտի մասնակից Հայաստանին և Ադրբեջանին, որովհետև Հայաստանը փորձում է այն լուծել քաղաքական մակարդակով, մինչդեռ Ադրբեջանը շեշտը դնում է ռազմական լուծման վրա»,-ընդգծել է Մովսես Դեմիրճյանը:

Գլխավոր թեմաներ