13:13 24 հունվարի 2017
Ուղիղ եթեր
Саргис Григорян

Արաբագետ. Թուրքիայում տեղի ունեցած դեպքերը վկայում են, որ «Իսլամական պետությունը» դարձել է ինքնուրույն գործոն

© Боон
Քաղաքականություն
Ստանալ կարճ հղումը
39 0 0

Գրիգորյանի կարծիքով` «Իսլամական պետությունը շարժվում է իրեն նպատակահարմար ռազմավարությամբ ու դրանից բխող մարտավարությամբ։

ԵՐԵՎԱՆ, 24 հուլիսի–Sputnik. Թուրքիայի և «Իսլամական պետություն» խմբավորման միջև վերջին բախումները վկայում են, որ «Իսլամական պետությունը»  դարձել է ինքնուրույն գործոն և շարժվում է իրեն նպատակահարմար ռազմավարությամբ ու դրանից բխող մարտավարությամբ, «Sputnik-Արմենիա» ռադիոկայանի հետ զրույցում հայտնել է արաբագետ Սարգիս Գրիգորյանը։

Արաբագետի կարծիքով` Թուրքիան «Իսլամական պետության» սնուցողը չէ, ինչպես պնդում են շատ փորձագետներ:

Նրա խոսքով՝Թուրքիային պետք է դիտարկել որպես Սիրիայի ընդդիմադիր ճամբարին սնուցող պետություն:

«Թուրքիայի սահմանը մշտապես օգտագործվել է Սիրիայի ընդդիմադիր ճամբարն իսլամիստներով համալրելու, ռազմամթերք տրամադրելու համար, բայց սա իրականացվել է միայն սիրիական ընդդիմությանը սատարելու, Բաշար Ասադի դեմ պայքարելու համար», – նշել է փորձագետը։

Գրիգորյանի կարծիքով` առանձին պետք չէ դիտարկել, որ Թուրքիայի գործակցության կենտրոնում եղել է «Իսլամական պետությունը»։

Արաբագետի խոսքով` նա չի տիրապետում Թուրքիայի՝ կոնկրետ «Իսլամական պետության» հետ գործակցության մասին փաստերին

Միաժամանակ Գրիգորյանն ընդգծում է, որ սիրիական ընդդիմության ճամբարում կան բազմաթիվ ոչ պակաս վտանգավոր խմբավորումներ, որոնց հետ Թուրքիան գործակցում է:

«Թուրքիան Սիրիայի ընդդիմադիր ճամբարում ունի ընտրյալ խմբավորումներ, որոնք որոշ չափով ուղղորդվում են Թուրքիայի կողմից և այստեղ կարելի է խոսել գործակցության մասին», – նշել է Գրիգորյանը։

Նրա կարծիքով` այդ խմբավորումներին օգտագործելով որպես գործիք՝ Թուրքիան որոշակի ծրագրեր է իրականացնում Սիրիայում, ինչը նշանակում է, որ «Թուրքիան ունի իր նպատակները՝ տարածաշրջանային վերադասավորումների առումով»։

Գրիգորյանի խոսքով` Իսլամական պետության դեմ ավիահարվածների համար Թուրքիան ԱՄՆ-ին տրամադրում է իր ռազմաբազան:

Պատասխանելով այն հարցին, թե Իրանի միջազգային դերի ակտիվացման ֆոնին արդյո՞ք Թուրքիան փորձում է ընդգծել տարածաշրջանում իր գերակա նշանակությունը` արաբագետը նշել է, որ դրա դիմաց այդ երկիրը ցանկանում է որոշ ծրագրեր կյանքի կոչել:

«Պարզ է, որ միջուկային ծրագրի համաձայնագրի ստորագրումը ազատ է արձակում Իրանի ձեռքերը, և այն ավելի վստահ կզգա Սիրիայում: Հետևաբար՝ Թուրքիան պետք է որոշակի քայլեր ձեռնարկի՝ իրանական ազդեցությունը Սիրիայում որոշ չափով չեզոքացնելու համար»,-շեշտադրել է Սարգիս Գրիգորյանը:

Գլխավոր թեմաներ