17:57 23 հունիսի 2017
Ուղիղ եթեր
Президент Армении Серж Саргсян и президент Азербайджана Ильхам Алиев

Քաղաքագետ. ԵԱՀԿ ՄԽ–ի գերխնդիրը 2015 թ.–ին Սարգսյան–Ալիև հանդիպում կազմակերպելն է

ARKA
Քաղաքականություն
Ստանալ կարճ հղումը
Հրանտ Մելիք-Շահնազարյան
14 0 0

Հայ քաղաքագետ Հրանտ Մելիք–Շահնազարյանը կարծում է, որ այս տարի առանց Սարգսյան–Ալիև հանդիպման չարժե խոսել ղարաբաղյան հակամարտության հարցում որևէ առաջընթացի մասին։

ԵՐԵՎԱՆ, 27 հուլիսի– Sputnik. ԵԱՀԿ Մինսկի խմբի համանախագահների գերխնդիրն է 2015 թ.–ին կազմակերպել Հայաստանի և Ադրբեջանի նախագահների հանդիպումը, հայտարարել է քաղաքագետ Հրանտ Մելիք–Շահնազարյանը։

«Առանց նման հանդիպման անիմաստ է խոսել ղարաբաղյան հակամարտության կարգավորման բանակցություններում որևէ առաջընթացի մասին։ Սակայն նման հանդիպման կազմակերպման գործընթացն անգամ չափազանց դժվարին է, չնայած երկու պետությունների ղեկավարները պատրաստակամություն են հայտնել մասնակցել նման հանդիպմանը, և արտգործնախարարներին արդեն համապատասխան հանձնարարություն է ներկայացվել», – երկուշաբթի ասուլիսի ժամանակ ասաց Մելիք–Շահնազարյանը` չնշելով կոնկրետ ժամկետներ։

Նա նշեց, որ բանակցությունների հաջողությունը մեծապես կախված է սահմանին գրանցվող իրադարձությունների զարգացումից, որտեղ լարվածությունը պահպանվում է և անգամ ուժեղանում։

«Բանակցությունների գործընթացի հաջորդականությունը պահպանելու համար հարկավոր է որոշել այն հարցը, որի շուրջ կողմերը պատրաստ են քննարկում իրականացնել։ Դա ավելի հավանական է դառնում նախագահների հանդիպման ընթացքում։ Այլ մակարդակներում այս գործընթացը կրում է նախապատրաստական բնույթ», – ասաց Մելիք–Շահնազարյանը։

Նրա կարծիքով` նախագահների հանդիպումը կկրի սիմվոլիկ բնույթ և ցույց կտա, որ բանակցությունների գործընթացը դեռևս շարունակվում է և չի մտել վերջնական փակուղի։

«Այս պահին չկան նոր առաջարկներ կամ իրավիճակի փոփոխություններ, որոնք կարող են նպաստել բանակցային գործընթացին, որն իսկապես գտնվում է փակուղում», – ասաց Մելիք–Շահնազարյանը։

Նրա խոսքով` բանակցային գործընթացի այս փուլում ակտիվիությունը որոշ իմաստով սպասելի էր։ Ակնհայտ է, որ Հայոց ցեղասպանության 100–րդ տարելիցի, ինչպես նաև Բաքվում Եվրոպական խաղերի անցկացման տարում աշխատանք կընթանա` ուղղված նոր առաջարկների մշակմանը։ Ինչից հետո բանակցային գործընթացը փակուղուց հանելու փորձ կձեռնարկվի։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան:

Գլխավոր թեմաներ