23:12 28 հունիսի 2017
Ուղիղ եթեր
Виды Турции

Փորձագետ. Թուրքիան կփորձի ՆԱՏՕ–ի մոտ արդարացնել քրդերի վրա իրականացրած ավիագրոհները

© Sputnik/ Михаил Фомичев
Քաղաքականություն
Ստանալ կարճ հղումը
13 0 0

Ւնչպես հայտարարեց արաբագետ Սարգիս Գրիգորյանը, Թուրքիան մտադիր է արդարացնել ոչ միայն ԻԼԻՊ–ի դիրքերի, այլ նաև Իրաքի քրդերի վրա իրականացրած ավիագրոհները։

ԵՐԵՎԱՆ, 27 հուլիսի– Sputnik. Թուրքիան հուլիսի 28–ին Հյուսիսատլանտյան խորհրդի նիստի ժամանակ կփորձի արդարացնել «Իսլամական պետություն» խմբավորման և  քրդերի դիրքերի ուղղությամբ իրականացրած ավիագրոհները, Sputnik–ի թղթակցին ասաց արաբագետ Սարգիս Գրիգորյանը։

ՆԱՏՕ–ն երեքշաբթի Թուրքիայի պահանջով կանցկացնի Հյուսիսատլանտյան խորհրդի արտակարգ նիստ դեսպանների մակարդակով` Սիրիայի սահմանին գտնվող Սուրուչ քաղաքում ԻԼԻՊ–ի կողմից կազմակերպված ահաբեկչության և հարավ–արևելյան գավառներում ոստիկանների սպանության հարցով։ Ոստիկանների սպանության համար պատասխանատվությունն իր վրա է վերցրել Քրդստանի աշխատավորական կուսակցությունը։

«Թուրքիան կփորձի արդարացնել ոչ միայն ԻԼԻՊ–ի, այլ նաև Իրաքում քրդական ջոկատների վրա իրականացրած ավիագրոհները։ Թուրքիայի համար քրդական զորամիավորումները շատ ավելի վտանգավոր են, քան ԻԼԻՊ–ը, և նա շարունակում է պայքարը նրանց դեմ», – ասաց Գրիգորյանը։

Նա նաև նշեց, որ թուրքական իշխանություններն, ամենայն հավանականությամբ, կսահմանափակվեն օդային հարվածներով, և այս հարցում շատ բան կախված կլինի Թուրքիայի ներսում քրդամետ Ժողովրդա–դեմոկրատական կուսակցության դիրքորոշումից

«Դժվար թե իշխանություններն Իրաքում գրոհել են Քրդստանի աշխատավորական կուսակցության դիրքերն առանց Ժողովրդա–դեմոկրատական կուսակցության համաձայնության։ Դրա պատճառը քրդերի միջև առաջացած տարաձայնություններն են, Ժողովրդա–դեմոկրատական կուսակցությունը չի ցանկանում ունենալ Քրդստանի աշխատավորական կուսակցության ռազմական ճամբարներ Թուրքիայի տարածքում», – ասաց Գրիգորյանը։

Վերջին մի քանի օրվա ընթացքում Թուրքիայի բանակը մի քանի գրոհներ է կազմակերպել ԻԼԻՊ–ի թիրախների ուղղությամբ Սիրիայի հետ սահմանակից շրջաններում և ջախջախել է Իրաքի հյուսիսում գտնվող Քրդստանի աշխատավորական կուսակցության օբյեկտները։ Գրոհները կազմակերպվել են F-16 կործանիչներից, ինչպես նաև տանկերից և հրետանուց Թուրքիայի սահմանակից տարածքից։

Գլխավոր թեմաներ