04:52 12 դեկտեմբերի 2017
Ուղիղ եթեր
Герман Стерлигов в горах Нагорного Карабаха

Ստերլիգով. Ադրբեջանը դե–յուրե ճանաչել է Ղարաբաղի անկախությունը

© Личная страница "ВКонтакте"
Քաղաքականություն
Ստանալ կարճ հղումը
550 0 0

Ադրբեջանն ընտրել է առավելագույն մեղմ, սակայն իրավաբանորեն անթերի ձև, որպեսզի հրապարակայնորեն հրաժարվի Ղարաբաղը համարել «Ադրբեջանի տարածք», կարծում է գործարար Գերման Ստերլիգովը

ԵՐԵՎԱՆ, 30 հուլիսի– Sputnik. Ադրբեջանը դե–յուրե ճանաչել է Լեռնային Ղարաբաղի անկախությունը, գրել է գործարար Գերման Ստերլիգովը «Вконтакте» սոցցանցի իր էջում։

«Տասնյակ տարիների ընթացքում Լեռնային Ղարաբաղն անկախ պետություն չճանաչելուց հետո ադրբեջանական ղեկավարությանը հեշտ չէր հայտարարել, որ Լեռնային Ղարաբաղը «Ադրբեջանի տարածք չէ»։ Սակայն ամեն դեպքում Էլհամ Ալիևը գնաց այդ խիզախ քայլին, որը, վաղ թե ուշ, ամեն դեպքում անխուսափելի կլիներ», – գրել է Ստերլիգովը (պահպանված է հեղինակի ուղղագրությունը)։

Նրա խոսքով` ընտրվել է առավելագույն մեղմ, սակայն իրավաբանորեն անթերի ձև, որպեսզի Ադրբեջանը հրապարակայնորեն հրաժարվի Ղարաբաղը համարել «Ադրբեջանի տարածք»։

«Ադրբեջանի օրենսդրությամբ նախատեսվում է միջազգային հետախուզում և Ինտերպոլի միջոցով հետախուզում հայտարարել այն անձի նկատմամբ, որը հանցագործություն է կատարել Ադրբեջանի տարածքում և միայն այն դեպքում եթե «հանցագործը» գտնվում է «Ադրբեջանի տարածքից դուրս»», – գրել է Ստերլիգովը։

Նա հիշեցրել է, որ Ադրբեջանի իշխանությունները պաշտոնապես հայտարարել են, որ «Գերման Ստերլիգովը գտնվում է Լեռնային Ղարաբաղի տարածքում» և միաժամանակ պաշտոնապես նրա նկատմամբ «միջազգային հետախուզում են հայտարարել և հետախուզման փաստաթղթեր են ներկայացրել Ինտերպոլի միջոցով»։ Այս մասին տեղեկացրել են բոլոր խոշոր ադրբեջանական ԶԼՄ–ները։

«Այսպիսով` Ադրբեջանը հրապարակային կերպով, միջազգային մակարդակով ընդունել է, որ Լեռնային Ղարաբաղն Ադրբեջանի տարածք չէ», – գրել է Ստերլիգովը։

Նրա կարծիքով` Ղարաբաղի անկախության ճանաչման նման ձևն առաջացել է բարդ քաղաքական պայմանների պատճառով, և դա արվել է զուսպ ու աննկատ` ադրբեջանական հասարակության առջև դեմքը պահպանելու համար, որը դեռ մինչև վերջ պատրաստ չէ նման իմաստուն քայլի։

«Ողջունում եմ Ադրբեջանի ղեկավարությանն ու խորը գոհունակություն եմ հայտնում այն հարցում, որ իմ համեստ անձը դարձավ իրավաբանական առիթ Լեռնային Ղարաբաղի անկախության ճանաչման և ադրբեջանցի ու հայ ժողովուրդների միջև բարիդրացիական հարաբերությունների հաստատման համար», – գրել է Ստերլիգովը։

Հայտարարությունը ստորագրված է` Գերման Ստերլիգով` ռուս գյուղացի հայկական Շուշի քաղաքից։

Գլխավոր թեմաներ