Թուրքիայում տիրող իրավիճակը. Էրդողանին ձեռնտու է, տարածաշրջանին` ոչ

«Ընտրություններում տարած հաղթանակից հետո քրդական ուժերի ակտիվ դիրքորոշումը վկայում է, որ Թուրքիայում տիրող լուրջ քաղաքական ճգնաժամ է տիրում։ Քրդական ուժերը իրենց կենսունակությունը ցուցադրում են Էրդողանի կուսակցություններից ձայներ խլելով, սակայն իրենց չափազանց ակտիվ դիրքորոշման պատճառով նրանք կարող են կորցնել այդ ձայները», – երեքշաբթի լրագրողներին ասաց Հովսեփյանը։

Քաղաքագետի կարծիքով` այս ամենը դիվիդենտներ է բերում Էրդողանին և ցույց տալիս ընտրողներին, որ բազմակուսակցական համակարգը հանգեցնում է քաոսի և անկայունության, իսկ դա կարող է փոխել նախընտրական ֆոնն ու ազդել արդյունքների վրա։

Քրդական ուժերի ռազմական ակտիվացումը ձեռնտու է Էրդողանին, քանի որ թույլ է տալիս նրան խաղալ վառ ազգայնամոլների, այսպես կոչված «գորշ գայլերի» շահերի հետ։

«Ամեն դեպքում Թուրքիայում լարվածությունն ու անկայունությունը երկար կպահպանվի, սակայն դժվար թե առաջիկայում գործը հասնի երկրի փլուզման։ Այս սցենարն անգամ չի դիտարկվում», – ասաց Հովսեփյանը։

Ինչպես կարծում է փորձագետը, այս պահին Էրդողանի գլխավոր խնդիրն է ձայների մեծամասնություն հավաքել արտահերթ ընտրությունների ժամանակ` անգամ առանց հաշվի առնելու միջազգային հանրության արձագանքն ու Թուրքիայի հեղինակությունը։

Նրա խոսքով` արդյունքում կպահպանվի լարված մթնոլորտ, որը երկարաժամկետ ռազմավարական հեռանկարում կազդի նաև տարածաշրջանի վրա, որտեղ հնարավոր է` աշխարհագրական շտկումներ կատարելու անհրաժեշտություն ստեղծվի։ Սակայն քաղաքագետը չնշեց, թե կոնկրետ ինչ շտկումներ անհրաժեշտ կլինեն։