13:51 20 օգոստոսի 2017
Ուղիղ եթեր
Карен Бекарян

Պատգամավոր. Սարգսյանը ՄԱԿ–ում Հայոց ցեղասպանության հարյուրերորդ տարելիցի համատեքստում կարևոր շեշտադրումներ է արել

© Sputnik/ Асатур Есаянц
Քաղաքականություն
Ստանալ կարճ հղումը
19 0 0

Այդ ելույթը կարելի է համարել ցեղասպանության 100-րդ տարում կարևորագույն միջոցառումներից մեկը, հաշվի առնելով համաշխարհային առաջնորդների համար ՄԱԿ–ի ամբիոնի կարևորությունը, ասաց «Եվրոպական ինտեգրացիա» ՀԿ ղեկավար, պատգամավոր Կարեն Բեքարյանը

ԵՐԵՎԱՆ, 1 հոկտեմբերի – Sputnik. Հայաստանի նախագահ Սերժ Սարգսյանի ելույթը ՄԱԿ–ի գլխավոր ասամբլեայի 70-րդ նստաշրջանում կարևոր նշանակություն ունի Հայոց ցեղասպանության 100-րդ տարելիցի համատեքստում, հինգշաբթի Sputnik  Արմենիա միջազգային մամուլի կենտրոնում ասաց «Եվրոպական ինտեգրացիա» ՀԿ ղեկավար, պատգամավոր Կարեն Բեքարյանը։

«Նախագահի խոսքում մեծ ուշադրություն էր դարձվել Ցեղասպանության 100-րդ տարելիցին։ Ես կարծում եմ այս ելույթը կարելի է համարել Ցեղասպանության 100-րդ տարում կարևորագույն միջոցառումներից մեկը` հաշվի առնելով համաշխարհային առաջնորդների համար ՄԱԿ–ի ամբիոնի կարևորությունը», – ասաց Բեքարյանը։

Նրա խոսքերով` Սարգսյանի ելույթում ևս մեկ անգամ նշվել են այն հիմնական նպատակները, որոնք իր առջև դնում է ամբողջ աշխարհի հայությունը` հիշատակի, շնորհակալ լինելու, ցեղասպանությունները կանխելու Հայաստանի պատասխանատվության և, իհարկե, իրավունքների վերականգնման և ճանաչման նպատակները։

«Այս ամենն ասվում էր արժեհամակարգի համատեքստում` շեշտելով մարդկային գործոնը, այլ ոչ քաղաքականությունը», – նշեց Բեքարյանը։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի այն քննադատություններին, որոնք վերաբերում են Հայոց ցեղասպանության հարցին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Ավստրիայի, Լյուքսեմբուրգի և Չիլիի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։

Գլխավոր թեմաներ