01:11 25 սեպտեմբերի 2017
Ուղիղ եթեր
Эдуард Шармазанов

Շարմազանով. «Բունդեսթագը կընդունի Հայոց ցեղասպանությունը»

© Sputnik/ Асатур Есаянц
Քաղաքականություն
Ստանալ կարճ հղումը
ԱԺ փոխնախագահ Էդուարդ Շարմազանով (95)
40 0 0

Գերմանիայի Բունդեսթագի բոլոր խմբակցությունները համակարծիք են, որ 1915թ-ին Թուրքիայում հայերի նկատմամբ կատարվածը ցեղասպանություն է, որ պետք է դատապարտվի և ճանաչվի: Այսօր` մարտի 9-ին, Sputnik Արմենիա մամուլի կենտրոնում ասաց ԱԺ փոխնախագահ Էդուարդ Շարմազանովը` ներկայացնելով Գերմանիա կատարած այցելության մանրամասները

ԵՐԵՎԱՆ, 9 մարտի — Sputnik. Որպես պատմաբան Էդուարդ Շարմազանովը մասնակցել է Բեռլինի համալսարանում կայացած քրիստոնյա ժողովուրդների ցեղասպանության թեմայով համաժողովին, որին նաև Թուրքիայից ժամանած գիտնականներ են մասնակցել:

Նույն օրերին Գերմանիայի Բունդեսթագում քննարկվում էր նաև Հայոց ցեղասպանությունը դատապարտող օրինագիծը, ուստի Էդուարդ Շարմազանովն այս կապակցությամբ մի շարք հանդիպումներ է ունեցել ինչպես գիտական, այնպես էլ քաղաքական շրջանակների ներկայացուցիչների հետ:

«Նախ մենք հանդիպեցինք Կանաչների միության նախագահ Ջեմ Օզդեմիրի հետ: Նա վերահաստատեց, որ ինքն ու իր կուսակցությունն ամեն ինչ անելու են, որ Հայոց ցեղասպանությունն այս տարի դատապարտվի Գերմանիայի Բունդեսթագի կողմից: Հետո ես հանդիպեցի նաև Բունդեսթագի փոխնախագահ տիկին Բուլմանի հետ, ով նույնպես նշեց, որ 1915թ.-ի դեպքերը ցեղասպանություն են, և Գերմանիան պետք է դատապարտվի ցեղասպանությունը, և այստեղ չպիտի լինեն երկակի ստանդարտներ»,-ասաց Շարմազանովը:

ԱԺ փոխխոսնակը տեղեկացրեց նաև, որ իշխող քաղաքական կոալիցիայի այլ ներկայացուցիչներ ևս իրենց հանդիպումներում հաստատել են այդ տեսակետը՝ հավաստիացնելով, որ համաձայնության են եկել 2016թ-ի ընթացքում Հայոց ցեղասպանությանը վերաբերող 3 օրինագծերը միացնելու և Բունդեսթագում Հայոց ցեղասպանությունը ճանաչելու շուրջ:

 

թեմա:
ԱԺ փոխնախագահ Էդուարդ Շարմազանով (95)

Գլխավոր թեմաներ