00:44 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Կարեն Կարապետյան

Ով է վարչապետի նոր թեկնածու Կարեն Կարապետյանը

© Politik
Քաղաքականություն
Ստանալ կարճ հղումը
97210

Հայաստանի վարչապետի նոր թեկնածուն տնտեսագիտական գիտությունների թեկնածու է, եղել է Երևանի քաղաքապետ, արժանացել է Անանիա Շիրակացի մեդալի։

ԵՐԵՎԱՆ, 8 սեպտեմբերի — Sputnik. Հայաստանի հանրապետական կուսակցության խորհրդի սեպտեմբերի 8-ի նիստում հաստատվեց վարչապետի պաշտոնում Կարեն Կարապետյանի թեկնածությունը։

Ներկայացնելով Կարեն Կարապետյանին` ՀՀ նախագահ Սերժ Սարգսյանը նշեց, որ նա կարող է առաջնորդել փոփոխությունների մեծ ալիքը Հայաստանում, կոտրել ամրացած կարծրատիպերը, տնտեսության շարժին հաղորդել նոր ճկունություն: Նա վստահություն հայտնեց, որ Կարապետյանը կկարողանա դառնալ փոփոխությունների յուրօրինակ սիմվոլը Հայաստանում:

Կարապետյանը ծնվել է 1963թ. Ստեփանակերտում, սովորել է Երևանի պետական համալսարանում: Նրան շնորհվել է տնտեսագիտական գիտությունների թեկնածուի կոչում։ Նա 17 գիտական աշխատանքի հեղինակ է։

Դեռ խորհրդային տարիներին` 1985-1990 թթ. եղել է ՀՀ Պետպլանի հաշվողական կենտրոնի գիտական աշխատող, սեկտորի վարիչ, միաժամանակ դասավանդել է ԵՊՀ-ում։

Անկախության առաջին տարիներին` 1990-1996 թթ., եղել է գիտության և մշակույթի գործիչների ասոցիացիայի «Հայաստան-88», «Սիգմա» ՊՁ, ԳԱՄ «Լիմենս» ԿԻՏԿ, «Բայթ» ՊՁ փոխտնօրեն, «Հրազդան» բաժնետիրական բանկի նախագահի տեղակալ։

Գործունեություն է ծավալել էներգետիկ ոլորտում, եղել է «Հայէներգո» ՊՁ գլխավոր տնօրենի տեղակալ, «Հայէներգո» ՓԲԸ գլխավոր տնօրեն:

Այնուհետև նա ղեկավարել է «ՀայՌուսգազարդ» ՓԲԸ-ն` եղել է վարչության նախագահ-գլխավոր տնօրենը։

Կարապետյանը ղեկավարել է նաև Երևան քաղաքը` 2010-2011 թթ. եղել է մայրաքաղաքի քաղաքապետ։

2011 թվականին նա մեկնել է Ռուսաստան` դառնալով «Գազպրոմբանկ» ԲԲԸ առաջին փոխնախագահը, 2013 թվականից «Առէկսիմբանկ-Գազպրոմբանկի Խումբ» խորհրդի անդամ է:

Հայաստանի նախագահի հրամանով` 2006 թ. Կարապետյանը պարգևատրվել է Անանիա Շիրակացի մեդալով։ Ամուսնացած է, ունի երեք երեխա։

Գլխավոր թեմաներ