ԵՐԵՎԱՆ, 17 հոկտեմբերի-Sputnik. Կառավարության գործունեության ծրագիրը գրեթե պատրաստ է, և մինչև ընթացիկ շաբաթվա ավարտը կքննարկվի ԱԺ- ում, լրագրողներին հայտնեց ԱԺ փոխնախագահը։
«Վերջնական շտկումներից հետո ծրագիրը կքննարկի քաղքական մեծամասնությունը։ Ծրագիրը ներկայացնի վարչապետը, նիստը կվարի ՀՀ նախագահը»,- ասաց Էդուարդ Շարմազանովը, հավելելով, որ ՀՀԿ-ի հավանությանն արժանանալուց հետո այն կներկայացվի Խորհրդարան։
ԱԺ փոխնախագահը չբացառեց, որ կառավարության գործունեության ծրագիրը կքննարկվի այս շաբաթ ընթացող արտահերթ նիստում, կամ դրա համար մինչև շաբաթվա ավարտը նոր արտահերթ նիստ կհրավիրվի։
