02:59 21 օգոստոսի 2017
Ուղիղ եթեր
Ազգային ժողով

ԱԺ-ն արտահերթ կարգով քննարկում է Ընտրական նոր օրենսգիրքը

© Sputnik/ Асатур Есаянц
Քաղաքականություն
Ստանալ կարճ հղումը
24 0 0

Նոր ընտրական օրենսգիրքն առաջարկում է հրապարակել ընտրողների ցուցակները, տեսանկարահանել ու հեռարձակել ընտրական գործընթացը և քրեական պատասխանատվության ենթարկել որոշ խախտողներին ու խախտումների մասին սուտ մատնություն տվողներին:

ԵՐԵՎԱՆ, 17 հոկտեմբերի – Sputnik. Համապետական ընտրություններին ընդառաջ Ընտրական օրենսգրքում փոփոխություններ և լրացումներ կատարելու մասին օրենքի նախագիծն ու կից նախագծերի փաթեթն այսօր Աժ-ում բավական թեժ քննարկման առիթ դարձավ:

ԱԺ արտահերթ նիստի քննարկմանը ներկայացված նախագծերը նախատեսվում են նաև քրեական օրենսգրքում կատարվող փոփոխություններ: Մասնավորապես՝ նախատեսվում է քրեականացնել մի շարք խախտումներ, դրանց թվում՝ ուրիշի փոխարեն քվեարկելու մասին կեղծ հաղորդում տալը:

ՀԱԿ պատգամավոր Գագիկ Ջհանգիրյանը հայտարարեց, որ ամեն սուտ մատնություն չէ, որ քրեորեն պատժելի է:

«Ստացվում է, որ եթե մարդը չկարողանա ապացուցել, դատվելու է»,- ասաց նա:

Առաջարկվող նոր փոփոխություններով, ինչպես նախագծի ներկայացման ժամանակ հայտնեց կառավարության աշխատակազմի ղեկավար-նախարար Դավիթ Հարությունյանը, նախատեսվում է նաև վերականգնել ընտրական ցուցակներում ընտրողների ստորագրելու պարտականությունը: Իսկ ստորագրված ցուցակները պետք է առանձին փաթեթավորվեն, ներկայացվեն տարածքային ընտրական հանձնաժողով, իսկ դրանից հետո պետք է 24 ժամվա ընթացքում սկանավորվեն ու հրապարակվեն ԿԸՀ կայքում:

Նախագծով նախատեսված կարևոր առաջարկներից է նաև ընտրական գործընթացի տեսանկարահանումը: Սակայն, ինչպես հայտնեց Դավիթ Հարությունյանը, այդ գործառույթի համար ՀՀ-ն պետական միջոցներ հատկացնել չի կարող:

«Պետությունը չի կարող այդ գործառույթը վերցնել իր վրա՝ նման գործիքակազմ չունենալու պատճառով: Ֆորմալ առումով լուծումը հետևյալն է, որին համաձայնել են հինգ կուսակցությունները: Ֆորմալ առումով գնումն իրականացվում է կառավարության անունից: Այսօր գնումների կազմակերպման գործընթացում երկու կարևոր մարմին է գործում՝ մեկը գնումների կազմակերպման պատասխանատուն, մյուսը՝ գնահատող հանձնաժողովը»,- ասաց Դավիթ Հարությունյանը՝ հավելելով, որ տեսանկարահանումը պետք է իրականացնի մասնագիտական մարմինը՝ հանրապետության ողջ տարածքում՝ ապահովելով նաև ուղիղ հեռարձակում:

Նոր փոփոխությունների քննարկման առիթով ընդդիմությունն այսօր հիշեց նաև ՏԻՄ վերջին ընտրությունները՝ ՀՀԿ-ին մեղադրելով իր թեկնածուների օգտին կատարված խախտումների համար: ԱԺ ԲՀԿ խմբակցության ղեկավար Նաիրա Զոհրաբյանը, հիշեցնելով Գյումրիում ու Վանաձորում տեղի ունեցած իրադարձությունները, նշեց, որ պետք չէ մեծ հույսեր կապել ստորագրված ցուցակների հրապարակման, տեսանկարահանման ու ուղիղ հեռարձակման հետ:

«Բոլորս էլ հասկանում ենք՝ քանի դեռ իշխանությունը կյանքի գնով արել է ու անելու է ամեն ինչ, որ մեկ միլիմետր որևէ բան չզիջի, ամենաիդեալական ընտրական օրենսգիրքը չի լուծելու որևէ խնդիր»,- ասաց նա՝ հավելելով, որ չնայած դրան, եթե կա մեկ քայլ առաջ տարբերակ, այն պետք է պաշտպանել:

Գլխավոր թեմաներ